[A:299]ལགས། །ཞེས་སོ། །
ཉེར་གཅིག་པ། དེ་ནས་ཆོས་རྒྱལ་ཁྲི་སྲོང་ལྡེ་བཙན་གྱིས་དགུང་ལོ་བརྒྱད་ལོན་པ་དང༌། རྒྱལ་སྲིད་བཟུང་ནས་རྒྱལ་ཁམས་ལ་དབང་བསྒྱུར། རྒྱལ་པོ་སྐུ་ནར་མ་སོན་པའི་དུས་སུ་མ་ཞང་ཁྲོན་eds: ༼གྲོམ་༽པ་སྐྱེས་ལ་སོགས་པ་བློན་པོ་ཆོས་ལ་མི་དགའ་བ་རྣམས་ཀྱིས་ཆོས་བྱར་མི་གནང་བའི་ཁྲིམས་བཅས་ནས། ལྷ་སའི་ཇོ་བོ་རིན་པོ་ཆེ་སླར་རྒྱ་ཡུལ་དུ་སྐྱེལ་གྲབས་བྱས་པས། མི་སྟོང་གིས་ཀྱང་མ་དྲངས། མཁར་བྲག་ཏུ་ས་ཐམས་སུ་བཅུག་པས། བློན་པོ་ཆོས་ལ་མི་དགའ་བ་ལ་ལ་ནི་སྨྱོ་འབོག་བྱུང་ནས་ཤི ལ་ལ་རྒྱབ་གས་ནས་ཤི
མཁར་རྣ་གདོང༌།
མུ་གེ་དང༌། ནད་ཡམས་དང༌། བཀྲ་མི་ཤིས་པའི་ལྟས་མང་པོ་བྱུང་བས། ལྟས་མཁན་ཐམས་ཅད་ཁ་མཐུན་པར་རྒྱའི་ལྷ་བྱེ་ཐམས་eds: ༼ཐེམས་༽སུ་བཅུག་པས་ལན་འདུག་ཟེར་ནས། ས་འོག་ནས་བཏོན་ཏེ། རྒྱ་གར་དུ་སྐྱེལ་བར་བསམས་པས་དྲེའུ་གཉིས་ཀྱི་ཐེག་ནས་མང་ཡུལ་དུ་ཕེབས་པའི་དུས་སུ། ལམ་ལ་མ་ཐར་ཞེས་གླེངས་ནས། ཇོ་བོ་མང་ཡུལ་དུ་ལོ་བཅུ་བཞི་བཞུགས། ཡར་ལུང་ཇོ་བོས་བསྒྲིགས་པའི་རྒྱལ་རབས་དང༌། གཞན་ནའང་འདི་ག་འདུག
ཇོ་བོ་མི་བསྐྱོད་རྡོ་རྗེ་རྒྱ་ཡུལ་དུ་སྐྱེལ་རྒྱུ་ལ། ཤར་ཕྱོགས་དོ་མོའི་ཐང་ལ་བསྐྱལ། དེར་ཞག་བདུན་ལུས་པ། ཁོང་རང་གི་ཇོ་བོ་མིན་པ་ངོ་ཤེས་ནས་བཞག་པ་ཡིན་འདུག
འོ་རྒྱལ་ཐང་ཟེར་ཆོས་ལུང་མདའ།
སླར་ར་མོ་ཆེར་བཞུགས་སུ་བཅུག་གོ །རྒྱལ་པོ་ཆོས་ལ་དགའ་ནའང༌། བློན་པོ་མ་ཞང་ཁྲོན་eds: ༼གྲོམ་༽པ་སྐྱེས་དང༌། སྟག་ར་ཀླུ་གོང་ལ་སོགས་དབང་ཆེས་པས། གཞན་གྱིས་རྒོལ་མ་ནུས་སོ། །དེ་ནས་རྒྱལ་པོ་སྐུ་ནར་སོན་ཏེ། རྗེ་བློན་རྣམས་ཆོས་བྱ་བར་བློ་མཐུན་ཏེ། ཐབས་སྣ་ཚོགས་ཀྱིས་མགོ་བསྐོར་ནས། མ་ཞང་སྟོད་ལུང་བྲང་ཕུ་རུ་གསོན་པོར་བང་སོར་བཅུག སྟག་