[A:200]ཅད་བཅོམ་ལ་བཞག་གོ་བྱ་བ་འདུག་པས། རྒྱལ་པོ་དེ་ཤིན་ཏུ་སྐྲག་པར་གྱུར་ཏོ། ། རྒྱལ་པོ་དེ་སྐྲག་ཀྱང་མི་སྐྲག་པ་ལྟར་བྱས་ནས། ཁྱོད་ཀྱི་རྒྱལ་པོ་དེ་ཁ་ཚོ་ཤིན་ཏུ་ཆེ་བར་འདུག ཁྱོད་ཀྱི་ཡུལ་ན་གཙུག་ལག་ཁང་བརྩིག་པའི་ནུས་པ་ཡོད་དམ་མེད་དྲིས་ཤོག དེ་ཡོད་ན་བུ་མོ་སྟེར། མེད་ན་མི་སྟེར་གསུང་ངོ༌། །ཡང་མགར་གྱིས་བཀའ་ཤོག་གི་སྒྲོམ་བུ་བར་མ་དེ་རྒྱལ་པོའི་ཕྱག་ཏུ་ཕུལ་ནས། རྗེ་གཅིག་ལགས། འཕྲིན་རེ་ལ་བལ་བོད་ཀྱི་ལམ་ཐག་རིང་ལ་ཡར་འགྲོ་མར་འགྲོ་བྱས་ན། ལྷ་གཅིག་གདན་དྲང་པའི་ཐབས་མེད། ཁྱེད་ཀྱི་གསུང་དེའི་ལན་དུ། བཀའ་ཤོག་འདི་ལེགས་པ་གཟིགས་པར་ཞུ་བྱས་པས། དེར་རྒྱལ་པོས་གཟིགས་པས་འདི་ལྟར་རོ། ཁྱེད་བལ་པོའི་རྒྱལ་པོ་ལ་གཙུག་ལག་ཁང་བརྩིག་པའི་ནུས་པ་ཡོད། ང་མཐའ་འཁོབ་ཀྱི་རྒྱལ་པོ་ལ་དེ་བཞིན་མེད་དེ། རྒྱལ་པོ་ཁྱོད་ལྷ་ཁང་བརྩིག་པ་ལ་དགའ་ནས་བུ་མོ་སྟེར་ན། ངས་སྐུ་ལུས་ཀྱི་བཀོད་པ་ལྔ་སྟོང་དུ་སྤྲུལ་ནས། ལྷ་ཁང་བརྒྱ་རྩ་བརྒྱད་དུ་བཞེངས་ཏེ། སྒོ་ཐམས་ཅད་ཁྱོད་ཀྱི་ཕྱོགས་སུ་བསྟན་ལ་བཞག་གོ ༑དེ་ངོ་མཚར་མི་ཆེའམ། དེ་ལྟར་བྱས་ཀྱང་བུ་མོ་མི་སྟེར་ན། སྤྲུལ་པའི་དམག་ཁྲི་ཕྲག་ལྔ་དེར་བཏང་ནས། ཁྱོད་བསད། ལྷ་གཅིག་ཕྲོགས། གྲོང་ཁྱེར་ཐམས་ཅད་བཅོམ་ལ་བཞག་གོ་བྱ་བ་འདུག་པས། རྒྱལ་པོ་དེ་ཤིན་ཏུ་སྐྲག་པར་གྱུར་ཏོ། ། རྒྱལ་པོ་སྐྲག་ཀྱང་མི་སྐྲག་པ་ལྟར་བྱས་ནས། ཁྱོད་ཀྱི་རྒྱལ་པོ་དེ་ཁ་ཚོ་ཤིན་ཏུ་ཆེ་བ་ཞིག་འདུག་སྟེ། ཁྱོད་བོད་ཀྱི་ཡུལ་ན་འདོད་ཡོན་ལྔ་ལ་ལོངས་སྤྱོད་རྒྱུ་ཡོད་དམ་མེད། དེ་ཡོད་ན་བུ་མོ་སྟེར། མེད་ན་མི་སྟེར། ད་ལན་སོང་ལ་དྲིས་ལ་ཤོག་ཟེར་བས། ཡང་མགར་གྱིས་སྒྲོམ་བུ་ཐ་མ་དེ་རྒྱལ་པོའི་ཕྱག་ཏུ་ཕུལ་ནས། འཕྲིན་རེ་རེ་ལ་ཡུལ་དུ་ལོག་པ་མི་འོང་བས། རྒྱལ་པོ་ཁྱེད་ཀྱི་གསུང་དེའི་ལན་འདི་ལགས་