[A:206]འཇིག་པའི་ཐབས་ཅིག་བྱེད་དགོས། རིན་པོ་ཆེ་བཻཌཱུརྱའི་ལྷུང་བཟེད་ལ་གསོལ་བ་བཏབ་ན། ཟས་ཆང་དཔག་ཏུ་མེད་པ་འོང་བས། བོད་འབངས་རྣམས་ལ་བྱིན་ནས་ལས་ལ་བསྐུལ་ཏེ། མཁར་ལས་རྒྱ་ཆེན་པོ་ཞིག་བྱ་དགོས་བསམས་ཏེ། དེར་རྒྱལ་པོ་ལའང་ཞུས། ཕྱི་ནང་གི་བློན་པོ་བཀའ་ལ་གཏོགས་པ་ཐམས་ཅད་ལའང་གྲོས་བྱས་ཏེ། བཻཌཱུརྱའི་ལྷུང་བཟེད་ཟས་སྣ་མང་པོས་བཀང༌། རིན་པོ་ཆེའི་ཁྲི་ལ་བཞག་ནས་གསོལ་བ་བཏབ་པས། ཟས་ཆང་ཅི་འདོད་པ་བྱུང་བ་དང༌། བོད་འབངས་རྣམས་ལ་བྱིན་ནས། ཤིང་མོ་ལུག་གི་ལོ་ལ་མཁར་ལས་ཀྱི་རྨང་བཏིང༌། མཐོ་དམན་གྱི་ཚད་ལ་གྱང་སྐོར་སུམ་ཅུ་བརྩེགས་པས་མཐོ་ཞིང་རྒྱ་ཆེ་སྟེ། ལོགས་རེ་ལ་རྒྱང་གྲག་རེ་ཡོད་པ་སྒོ་མོ་ཆེ་ལྷོ་ཕྱོགས་སུ་བསྟན་པ། མཁར་དམར་པོ་དགུ་བརྒྱ། རྩེ་མོ་རྒྱལ་པོའི་སྐུ་མཁར་དང་སྟོང་ཐམ་པ། མཁར་ཐམས་ཅད་ཁ་བད་རིན་པོ་ཆེའི་རྒྱན། མདའ་ཡབ། པུ་ཤུ། དྲིལ་བུ་གཡེར་ཁའི་སྒྲ་འཁྲོལ་བ། དེའི་བཀོད་པ་མཛེས་ཤིང༌། ལེགས་པའི་དབང་དུ་བྱས་ན། ལྷའི་དབང་པོའི་རྣམ་པར་རྒྱལ་བའི་ཁང་བཟང་དང་འདྲ་སྟེ། བལྟ་བས་ཆོག་མི་ཤེས་པ། རིན་པོ་ཆེ་སྣ་ཚོགས་ཀྱིས་བརྒྱན་པ། དར་སྣ་ཚོགས་ཀྱི་དྲ་བ་དང་དྲ་བ་ཕྱེད་པས་བརྒྱན་ཏེ་ཡིད་དུ་འོང་བའོ།། འཇིགས་པའི་དབང་དུ་བྱས་ན། སྲིན་པོའི་གྲོང་ཁྱེར་ལངྐ་པུ་རི་དང་འདྲ་བར་མཁར་ཐམས་ཅད་ཀྱི་རྩེ་ལ་མཚོན་ཆ་དང་མདུང་དར་དམར་པོ་བཅུ་རེ་འཕྱར་ཏེ་དར་ཡུག་གིས་སྦྲེལ་བའོ། །བཙན་པའི་དབང་དུ་བྱས་ན། མཐའི་དམག་དཔུང་བྱུང་ཡང༌། མི་ལྔས་བསྲུངས་པས་ཐུབ་པའོ། །གཞན་ཡང་ལྷོ་ཕྱོགས་ཀྱི་ལྕགས་རི་ལ༑ ཟབས་སུ་འདོམ་བཅུའི་དོང་བྲུས་ནས། དེའི་སྟེང་དུ་སྤང་ལེབ་བསྒྲིགས། དེའི་སྟེང་དུ་སོ་ཕག་བསྒྲིགས་པས། དེའི་སྟེང་དུ་རྟ་གཅིག་གིས་རྒྱུགས་ཀྱང༌། རྟ་བཅུས་