[A:230]med thal ba nag po de/ /btsun mo ser sna can de'i rgyags phye mdzod/ /nags la me brgyab sol ba'i mdung shing de/ /rgyal bu lus rtsal can de'i mdung shing mdzod/ /lug la mcher khrag med par bsad pa de/ /lha yi drung du sdig bshags smon lam bya/ /lus la nad med mal du nyal ba la/ /sngas mgor sman pa bos nas ci zhig bya/ kho bo mi sdod rang gi yul du 'gro/ /zer te/ rta la lcag brgyab ste song ngo / /der rgya yul du snye nag mo shar ba dang / rgya rnams na re/ snye ma'i nang na 'bru mi 'dug blon po ngan pa des/ dar zab thams cad bsreg tu bcug lug thams cad gsod du bcug nags thams cad la me brgyab/ sa bon thams cad brngos su bcug nas btab pas/ da ni 'bru mi 'dug lha gcig mdzangs ma de bod kyis khyer/ jo bo shAkya ni bod kyis gdan drangs/ ngan 'di tsam zhig byas/ kye ma kye hud da ni ji ltar bya/ da kho 'dir 'ong ba mi srid do/ / bod du bros pa srid zer ba'i gtam rgyal po'i snyan du thos so/ /de bden par nges sam snyam nas/ rgya'i rta pa rtsal che ba brgya tham pa 'dzin du btang ngo/ /der gyad bzhi po yang bzi sangs te 'di snyam du bsam mo/ /rta zhon rgyu med/ mtshon cha yang mi 'dug yul du log na ngo tsha la/ rgyal po'i chad pa yang byung dogs nas/ blon po'i phyir 'brangs so/ /der rgya chu khug pa'i rtsar sleb dus/ rgya nag gi 'ded mi rnams kyis kyang nye bar sleb bo/ /der blon pos gyad bzhi po bran du bskul nas/ rgya chu khug pa'i 'gram du rta'i sbangs dang / rta rjes kyi bkang / gna' ba'i rwa me la bsos nas/ gzhu bcos/ gyad bzhi po gda' rgyag bcug pas/ mda' sgro mtshams bar phud bzhag go /de rnams 'ded mis mthong nas