[A:231]'di skad zer te/ kho la bsu ba'i rta pa mang la rtsal che ba byung 'dug nged rang rnams kyis mi thub/ log pa 'thad zer te/ de nas log go /de'i bar la rgya mo bza' la sogs pa'i bod blon rnams kyis ldan ma brag rtsar phebs nas/ brag la byams pa khru bdun pa zhig dang / bzang spyod gnyis brkos mar bzhengs/ der zla ba gcig bsgug der yang blon po ma byon/ phung po ri la phyag phebs/ la la 'phred lam bcos/ ri dwags bzung nas 'o ma bzhos/ der yang blon po ma byon/ khams kyi padma shang du chag phebs/ zhing btab/ rang thag chu bskor btsugader zla ba gnyis bsgug der yang blon po ma byon/ de nas sgo dong sgo mo'i rtsar phebs/ rgya nag gi phywa g.yang nyams pas/ rgya nag gi lha srung rnams kyi mthus sgo mo 'gags pas der zla ba gnyis lus/ der blon po slebs so/ /de nas sgo dong sgo mo 'gags pa de/ rgya nag gi lha srung ma dga' bas lan par shes nas/ shing sna'i dud pa chen po btang / zas chang gi phud gtor nas 'di ltar byas so/ / gsol lo gsol lo lha la gsol/ /rgya nag rgyal po'i lha la gsol/ /grong khyer zim shi'i lha la gsol/ /rgya rje btsan po'i lha la gsol/ /bkra shis khri sgo'i lha la gsol/ /nags ma gyen la long du gsol/ /bod blon rnams kyi lha la gsol/ kha ba can pa'i lha la gsol/ /rgya mo kong jo bsu ru shog /ces gsol mchod di ri ri byas pa'i nub mo nags thams cad gyen la langs te 'gro thub pa byung ngo / /de nas bye ma'i la dgu 'khyags kha bskor/ mun pa'i rum du mar me bteg seng ldeng gi nags ma g.yas su longs/ gla ba'i nags ma g.yon du longs/ bod du gegs med par sleb byung ngo / /de nas rgyal po'i drung du bang