[A:232]chen pa btang ste/ 'di ltar nged blon po rnams kyis/ jo bo shAkya dang / lha gcig kong jo la sogs pa gdan drangs nas sleb gin yod pas/ bsu ba dga' ston rgya chen po zhu zhus so/ /der rgyal po'i zhal nas/ 'phags pa sgrol ma'i sprul pa lha gcig de yin par 'dug pas 'phrul che bas/ phyogs gang nas 'ong ngo mi shes pas/ bsu ba legs po gyis shig gsungs so/ /der phyogs bzhi kha ru mthong snang gi sprul par byung ste/ shar phyogs pa rnams na re/ lha gcig ni shar phyogs nas byon/ de'i rgyu rkyen/ rab kyi ming kyang rgya mo rab bya ba yod zer/ lho phyogs pa rnams na re/ lha gcig ni lho phyogs nas byon te/ grib kyi phu'i 'khyag rom la/ dung dkar g.yas su 'khyil ba 'dra zer ba de dus byung zer/ nub phyogs pa rnams na re/ lha gcig ni nub phyogs nas byon te/ sbal pa tshal gyi brag la phag pa'i sna 'dra bas/ mgon po zhig bzhengs zer ba de dus yin zer/ byang phyogs pa rnams na re/ lha gcig ni byang phyogs nas byon te/ lha gcig dang jo bo la bsu pa byas pas grong gi ming kyang lha bsu ba bya bar yod zer don dam par byang phyogs sgo la nas byon nas/ ra mo che'i thang la phebs so/ /der ra mo cher shing rta bye ma la bying nas/ gyad lha dga' dang klu dgas ma drongs par lus so| |der jo bo'i phyogs bzhir ka ba bzhi btsugs/ dar dkar gyi yol bas bres nas mchod pa byas so/ /de'i sang nyin lha gcig kong jo dar sna tshogs kyi gos gon/ gser g.yu'i rgyan du mas brgyan nas/ mdzes ma'i bu mo nyi shu rtsa lnga yang dar zab dang / rin po che'i rgyan sna tshogs kyis brgyan/ pi wang rol mo dang bcas te/ brag lha'i ne'u thang la gzigs mo la phebs so/ /der blon po bod