[A:243]bskyed du bcug nas/ mtsho gru bzhir bcos so/ /mtsho'i phyogs bzhir rdo dpe chen po mtsho'i nang du lhags pa bzhi bzhi byas shing / rgyal pos rdo dpe de rnams kyi steng du byon nas/ mtsho'i dkyil gyi 'od zer gyi mchod rten de la dmigs te smon lam btab/ blon po rnams kyis yi ge drug pa'i sgra dang bcas te/ rdo rnams mtsho nang du bskyur bas/ rgyal po'i smon lam gyi mthu la brten nas/ mtsho de'i dkyil nas rdo'i mchod rten khri 'phang gru bzhir yod pa zhig rang thag gi lte ba lta bur lhun gyis grub ste/ sra zhing brtan la mi 'gyur bar 'dug pa rgyal po yab yum blon po'i tshogs dang bcas pas legs par gzigs pas/ thams cad yid ches shing mos par byas so/ /de nas shing shug pa'i sdong po sbom la ring ba bcu drug bcad nas/ rtsa ba phyogs bzhi'i rdo dpe chen po rnams la gtad/ rtse mo mtsho'i dkyil gyi rdo'i mchod rten rang byon la gtad de/ gdugs kyi rtsib mang bzhin du byas so/ /de'i steng du shing gla ba'i sdong po sbom la ring ba mang po bcad nas/ de'i steng du mig mangs ris su byas so/ /de yang sprul pa'i dge slong a ka ra ma ti shI las/ klu'i yul du rdzu 'phrul gyis byon te/ rdo rje'i 'jim pa blangs shing rnams la byugs pas/ bskal pa'i bar du chu nang na gnas kyang mi rul cing / mes kyang mi tshig cing / bcad kyang mi chod do/ /de'i steng du spang leb bsgrigs/ de'i steng du so phag bsgrigs te khro chus bsdams/ de'i steng sa khod snyoms par byas nas/ de ltar sa pho khyi la 'o thang gi mtsho bsubs pas legs par tshar te/ chos rgyal dgung lo nyi shu rtsa gsum gyi steng du/ lha sa'i rtsig rmang bting pa lags/ sa mo phag la lha khang rmang bting / rked pa tsam brtsigs tshar