[A:244]nas thams cad dga' bar gyur pa dang / sang nyin lha 'dres bshig 'dug go / yang khri btsun sdug bsngal bar gyur nas/ rgyal po'i drung du byung ste/ rgyal po chen po mtsho bsubs pa'i steng du lha khang brtsig mi btub par 'dug pa/ bdag gi lha khang la gzigs dang zhes zhus pas/ rgyal po'i zhal nas/ khyod sdug bsngal ma byed cig nga la gros 'dri sa zhig yod do gsungs so/ /der rgyal pos yi dam gyi lha la gsol ba btab pas/ nam mkha' nas gzugs med pa'i sgra zhig byung ste| rgyal po khyed rang gi sku 'bag jo bo bcu gcig zhal zhig bzhengs na/ khyed kyi lha khang bzhengs pa la 'gal rkyen mi 'byung bar 'gyur ro zer te mi snang bar gyur to/ /der rgyal po'i zhal nas bal po'i lha bzo ba la/ khyod kyis nga'i sku 'bag tu ming btags pa'i/ 'phags pa bcu gcig zhal zhig bzhengs nus sam gsungs pas/ nus lags zer te/ de'i bzo rgyu la tsandan sbrul gyi snying po'i dum bu/ tsandan gor shi Sha'i dum bu/ byang chub shing gi yal ga rgya mtsho gle'i 'jag ma/ chu bo nai ranydza ra'i bye ma/ dben gnas chen po brgyad kyi sa la sogs pa rgya gar nas spyan drangs pa'i ngo mtshar che ba'i rdzas mang po bsags te/ legs par brdar nas/ ba dmar po'i 'o ma dang / ra dkar mo'i 'o ma la sbyar te| 'jim pa'i phung po chen po zhig byas/ rgyal po rin po che'i khri'i steng du gzims pa'i dbu sngas su bzhag ste/ rgyal pos yi dam gyi lha la gsol ba btab nas/ nga'i yi dam gyi lha 'di la/ spyan ras gzigs la rigs mang po yod pa ji lta bu zhig bzhengs dgongs pa dang / de rnams kyi nang nas bcu gcig zhal yid bzhin gyi nor bu lhag pa yin pas bzhengs dgos dgongs pa dang /