[A:246] bcu gnyis na bum pa/ bcu gsum na dgra sta/ bcu bzhi na phreng ba/ bco lnga na padma sngon po/ bcu drug na spyi blugs/ bcu bdun na nyi ma/ bco brgyad na chu skyes dkar po/ bcu dgu na 'bras kyi snye ma 'dzin pa'o/ /g.yon gyi yan lag bcu dgu'i rim pa bzhin du/ dang po na sprin dkar/ gnyis pa na spyi blugs/ gsum pa na padma/ bzhi pa na ral gri/ lnga pa na dung / drug pa na thod pa/ bdun pa na phreng ba/ brgyad pa na dril bu/ dgu pa na rdo rje/ bcu pa na lcags kyu/ bcu gcig na 'khar gsil/ bcu gnyis na sangs rgyas sprul sku/ bcu gsum na lha khang / bcu bzhi na glegs bam/ bco lnga na 'khor lo/ bcu drug na sangs rgyas kyi sku/ bcu bdun na shing thog bco brgyad na padma ge sar/ bcu dgu na rin po che bsnams pa'o/ /sprul pa'i nying lag stong tham pa rab tu mdzes pa/ phyag re re'i mthil na ye shes kyi spyan re re yod pa/ phyag dang zhabs la gser gyi gdu gu dang sbrul gyis brgyan pa/ khro zhal rnams ni spyan gsum re dang ldan pa/ dbu skra kham pa gyen la 'khyil ba/ sku lus la rin po che'i rgyan du mas brgyan pa/ 'od dang 'od zer phyogs bcur 'phro ba/ sku stod la ri dwags kyi lpags pas g.yogs nas nu ma g.yon pa bkab pa/ mtshan dang dpe byad gyis brgyan pa zhig 'od du khrong nge byon 'dug pa rgyal pos gzigs pas shin tu dgyes par gyur to// de nas rgyal po'i zhal nas/ bal po'i lha bzo ba la khyed kyi rten 'di/ ngo mtshar che la mgyogs pa zhig bzhengs tshar 'dug na'ang / rgya gar nas byon pa'i tsandan gyi sku rang byon 'di dang / sangs rgyas rabs bdun gyi ring bsrel rnams rten 'di'i thugs kar bzhugs su 'jug rgyu yin lags gsungs pas/ lha bzo ba na