[A:245] sangs rgyas dang byang chub sems dpa' thams cad nyi zer gyi rdul tsam du lhags te| 'jim pa'i phung po la thim pa rgyal pos gzigs pas/ rgyal po'i thugs la/ nga'i yi dam 'di la byin rlabs can zhig 'byon par 'dug go dgongs nas/ rin po che'i khri'i steng du gzims so/ /nangs par gung langs pa dang / bcu gcig zhal yid bzhin gyi nor bu rang byon du snang ste/ lha bzos bzhengs ma dgos so/ /de la rtsa ba'i zhal gsum dkar po rab tu 'dzum pa zhi ba'i phrin las/ de'i steng gi zhal gsum gser gyi mdog rngams pa'i khro zhal rgyas pa'i phrin las/ de'i steng gi zhal gnyis byi ru'i mdog bzhad pa'i khro zhal dbang gi phrin las/ de'i steng gi zhal gnyis nag pa khros shing gdangs pa'i khro zhal drag po'i phrin las/ de'i steng du a mi dhe ba li khri'i mdog can a mi dhe ba man rgyal po'i sku tshad dang mnyam pa/ chos sku'i rtsa ba'i phyag bcu'i phyag mtshan ni/ dang po gnyis thugs kar thal mo sbyar ba/ g.yas kyi gnyis pa na bgrang phreng / gsum pa na 'khor lo/ bzhi pa na mchog sbyin/ lnga pa na 'od dpag med bsnams pa'o/ / g.yon gyi gnyis pa na padma dkar po/ gsum pa na ril ba spyi blugs/ bzhi pa na rin po che/ lnga pa na mda' gzhu bsnams pa'o/ /
sprul pa'i phyag rnams ni lha bzo bas bzhengs/ rang byon du byon dus/ rtsa phyag bcu po las mi 'dug
longs spyod rdzogs pa'i yan lag sum cu so brgyad yod pa ni/ g.yas phyogs kyi phyag bcu dgu'i rim pa bzhin du/ dang po na rin po che/ gnyis pa na zhags pa/ gsum pa na lhung bzed/ bzhi pa na ral gri/ lnga pa na rdo rje/ drug pa na me shel/ bdun pa na chu shel/ brgyad pa na gzhu/ dgu pa na lcug ma/ bcu pa na rnga yab/ bcu gcig na phub/