[A:247]re| rten 'di bdag gis bzhengs pa ma lags/ rang byon du gda'o zhus pa dang / de ma thag tu sku g.yos par gyur te/ zhabs g.yon pa'i sham thabs pus mo'i gong du brdzes/ thugs ka nas 'od zer byung ste/ sangs rgyas kyi ring bsrel dang / tsandan gyi sku rang byon rnams spyan drangs te/ thugs kar ye shes sems dpa'i tshul du bzhugs so/ /a mi dhe ba g.yon phyogs su cung yo ba dang / sham thabs kyang pus mo'i gong du lus pa rnams/ phyi rabs su yang de ltar du yod do/ /de la tsandan sbrul gyi snying po de dbu'i srog shing du gyur/ byang chub kyi shing gnyis zhabs kyi srog shing du gyur/ sngar gyi rdzas rnams la sku lus su gyur te/ me tog gtor ro/ /de nas bal po'i lha bzos 'khor rnams bzhengs pa ni/ 'jig rten dbang phyug dang / kharsa pa Ni dang khro gnyer can dang / sgrol ma dang 'od zer can dang / dbyangs can ma dang / bdud rtsi 'khyil ba dang / dpal rta mgrin rnams bzhengs so/ /der bkra shis pa'i ltas kyis phyogs thams cad du khyab par gyur nas/ sa yang rnam pa drug tu g.yos so/ /der rgyal po yab yum blon po'i tshogs dang bcas pas/ mchod rdzas du ma thogs te/ smon lam btab bo/ /de nas rgyal po'i rten de'i drung du/ lha khang brtsig pa'i 'gal rkyen bzlog cing/ mthun rkyen sgrub pa'i gsol ba 'debs kyin yod tsa na/ nub phyogs zla ba tshal gyi dug shing gi sdong po rkang gcig gi rtsa na/ 'dre srin dang mi ma yin mang po 'tshogs nas/ khong rnams na re/ srong btsan sgam po zer ba'i mgo gnyis yod pa 'dis/ nged rang tsho'i 'dug sa bshig rgyu srang bkab/ nged rang tsho yang kho'i lha khang brtsig tu mi 'jug dge ba byed pa'i srog gcod/ sad ser ba dang / nad