[A:275] dge 'dun ming du btags pa yin/ /rtsol med rang lugs gnas pa la/ /byar med ming du btags pa yin/ /tha mal rtog pa bsgyur ba la/ /bskyed rim ming du btags pa yin/ /blo yi khrid thabs sna tshogs pa/ /chos spyod ming du btags pa yin/ /rtsa bral nang du shes pa la/ /go ba ming du btags pa yin/ /don go gcig las med pa la/ /nyag gcig ming du btags pa yin/ /du ma ngo bo gcig pa la/ /chos sku ming du btags pa yin/ /dag snang lha ru snang ba la/ /longs sku ming du btags pa yin/ /sna tshogs thabs kyis 'dren pa la/ /sprul sku ming du btags pa yin/ /rtog med rang sa zin pa la/ /mngon 'gyur ming du btags pa yin/ /btags pa thams cad ming yin gyis/ /ming ni 'dzin pa med par zhog /bsam pa thams cad blo yin gyis/ /blo yi byed pa zhog la spong / /zhog ces bya ba tshig yin gyis/ /tshig gi 'dzin pa bor la thong / /thong zhes bya ba blo yin gyis/ /blo yi byed pa dbyings su sbos/ /sbed pa bya ba bzang rtog yin/ / bzang ngan med par khad de ba/ /gab sbas med par lha nge ba/ /'gro 'ong med par gsal le ba/ /spang blang med par lhug ge ba/ /phyogs ris med par phyam me ba/ /btang bzung med par khyil le ba/ /gsal 'grib med pa lhang nge ba/ / brjed yeng med par tur re ba/ /gtang bzhag med par wal le ba/ /blo las 'das pa'i yul la ltos/ /tshig las 'das pa'i don la ltos/ /bzang ngan med pa'i yul la ltos/ /phyi nang med par sems la ltos/ /pho mo med pa'i sems la ltos/ /gnyis 'dzin bral ba'i don la ltos/ /don zhes bya ba blo las 'das/ / 'das pa'i rjes su ma 'brang bar/ /blo tshig bral ba'i ngang la ltos/ /bltas pas