[A:274]rlabs yin/ /rgyal ba'i dgongs rgyud zab mo rnams/ /'phags pa'i lam steg yin mod kyang / /chos nyid don gyi thugs rje de/ /blo dman rnams la bstan par mi 'os kyang / /brtse ba'i sems kyis gab pa mngon phyung 'di/ /ma rtogs sgro dang skur ba'i gzhi/ /skyabs med rnams la ye gsang chod/ /tsitta snying gi dkyil du chongs/ /chos nyid zad par skyel ba yang / /nga yis legs par bstan gyis nyon// sna tshogs dag kyang rang snang yin/ /yul med de ni blo las 'das/ /blo 'das de ni byar med yin/ /ji bzhin pa yi ngang gnas yin/ /gnas pa med par lhod pa'i mchog /de ltar go ba'i gang zag gis/ /mtha' bral spros pa chod pa la/ / lta ba'i ming du btags pa yin/ /rang gsal 'dzin pa stong pa la/ /sgom pa ming du btags pa yin/ /don dang bral ba med pa la/ /spyod pa ming du btags pa yin/ /spang blang 'dzin pa zhig pa la/ /'bras bu ming du btags pa yin/ /rtsol med 'gro don byed pa la/ /thugs rje ming du btags pa yin/ /de la skyo dub med pa la/ /chen po ming du btags pa yin/ /'gro don mdzad kyang skyon ma gos/ / 'phags pa ming du btags pa yin/ /snying rje dbang du 'dus pa la/ /rgyal po ming du btags pa yin/ /'gro ba'i kha lo snyoms pa la/ /srong btsan ming du btags pa yin/ /blo la gang phan bshad pa la/ /gdams ngag ming du btags pa yin/ /brjed tho shul du bzhag pa la/ /bka' brgyud ming du btags pa yin// 'gro ba dang ba 'dren pa la/ /gtsug lag ming du btags pa yin/ /rnam rtog rang sar grol ba la/ /sangs rgyas ming du btags pa yin/ /'gro ba lam du 'dzud pa la/ /dam chos ming du btags pa yin/ /byar med blo la sbyor ba la/ /