[A:282]dang / gser dngul dang dkor nor la sogs pa nor mang po dus de nyid du/ gnod sbyin na ga ku be ra'i brla g.yas kyi dar sham 'og tu gter du sbas nas las dang skal bar ldan pa'i gang zag la gtad rgya smon lam btab bo/ /des kyang lho dang nub kyi phyogs su 'gro don byed par 'gyur ro/ /rgyal po srong btsan sgam pos gab pa mngon phyung du gdams pa'o/ /de nas chos kyi rgyal po de/ dgung lo bdun cu tham pa rgyal sa bzung / rgyal khams la dbang bsgyur/ sangs rgyas kyi bstan pa nyi ma shar ba lta bur mdzad/ 'dod yon dang longs spyod kyi char pa phab/ bod 'bangs thams cad bde ba la bkod/ dgung lo brgyad cu gya gnyis pa lcags pho khyi'i lo smin drug zla ba'i tshes bcu la 'phrul snang gi btsan khang byang mar 'phags pa spyan ras gzigs kyi drung du/ sprul pa'i rgyal po srong btsan sgam po de'i g.yas su bal mo bza'/ g.yon du rgya mo bza'/ rgyab tu mang bza' khri lcam/ zhabs drung du dbon sras mang srong mang btsan/ mdun du blon po thon mi dang mgar gnyis/ lha khang phyi'i sgo srung la/ zhang blon sna chen po dang / sbas lcang dpal gyi pags bzang gnyis kyis sgo bsrungs/ mchod rdzas du ma thogs te/ rgyal pos yi dam gyi drung du mchod pa phul nas smon lam btab bo| |de nas rgyal pos dbon sras la bka' stsal pa/ rigs kyi bu ngas ni rgyal khrims chos khrims su bsgyur nas/ sangs rgyas kyi bstan pa dar bar byas/ bod 'bangs bde ba la bkod pa yin no/ khyod kyis kyang nga'i rgyal srid 'di ma nyams par chos bzhin du skyongs shig nga'i gtsug lag khang 'di gnyis kyi zhabs tog khyod kyis gyis la/ dar du chug cig nga'i pho brang lha'i gnas dang 'dra ba 'di'i