[A:296]re thag chad/ /bod kyi blon po sdig po che/ /cha med yul du rgyus med 'khyam/ / las kyi me long bslu ba mkhan/ /zer te me long la brdeg cing ngus so/ /de nas bod kyi rgyal pos pho nya btang ste/ rgya mo dpon g.yog rnams la khyod kyi skyes pa'i 'os nga'i bu lha dang 'dra ba zhig yod pa de/ rkyen ngan pas 'das/ da de khyed rang yul du log gam/ nged la bltas nas 'ong zhes yi ge btang bas/ der rgya mo na re| bu mo'i 'dun ma lan cig yin pa skyid sdug ci byung yang bod du 'gro zer 'ongs so/ /der bod du slebs pa dang / rgya mo na re/ nga'i a ne'i lha khang blta'o zer te/ ra mo cher phyin pas/ de na jo bo mi bzhugs par 'dug nas 'phrul snang du 'ongs pa dang / jo bo lho sgo me long can na bzhugs par shes nas sgo phye ste| jo bo de nas bton nas/ btsan khang dbus mar bzhugs su gsol/ lha zhal mthong gi mchod pa btsug jo bo gdung rabs gsum gyi bar la mun khang du bzhugs pa la/ rgya mos mchod pa btsugs pa yin no/ /de nas 'phyin phur byon te| mes rgyal po'i btsun mor mnga' gsol lo/ /de nas lo dus 'khor ba na/ rgyal bu lus la zhugs pa dang / btsun mo che ba sna nam bza' bzhi stengs zer ba zhig yod pa phrag dog skyes nas/ nga la'ang rgyal po'i gdung brgyud lus la yod do zhes rdzun smras te/ der rgya mo la rgyal po khri srong lde btsan lcags pho rta'i lo la brag dmar du sku 'khrungs pas/ sna nam bza' rgya mo'i rtsar byung / shin tu blo nye ba ltar byas nas/ rgya mo'i bu chung 'phrog ste/ nga rang la skyes pa yin no zer bsnyon byas so/ /der rgya mos rang gi nu ma bstan/ smre sngags bton/ cho nges bos kyang bu chung ma btang bas/ blon po rnams sbran/ rgyal po la zhus pas/ der