[A:297]sna nam bzas kyang rang gi nu ma la eds: ('o ma )rang babs kyi rdzas byug ste/ nu zho 'ongs pa byas nas blon po rnams la bstan pas/ blon po rnams kyang the tshom du gyur nas ma shes so/ /der rgya mo'i bu chung btsun mo che bas phrogs pas/ dbang shed mos ni ma thub/ byed thabs med par song ngo / /der rgya mo'i sems la da de bu chung 'dis nga la phan pa dka'/ bod 'di phung ba'i las zhig byed dgos bsams nas ri'i dpyad bltas pas/ rgyal po'i gdung rabs chad pa'i phyir/ rje'i bla ri seng ge gnam du mchong ba 'dra ba'i mgo la/ mngal khrag gis 'khor lo bris nas mchod rten gyis mnan/ blon po rig pa can mi 'ong ba'i phyir/ blon po'i bla ri la khro chus sna bcad/ stag ri seng ri gnyis gzhug eds: (mjug)ma sbrel ba'ang bcad/ mu ge 'ong ba'i phyir/ yar lung me sna'i ri 'bras kyi ljang pa 'dra ba'i rtsa ba bcad/ bod du mdze 'ong ba'i phyir/ mang mkhar gyi ri khyung chen gnam la lding ba 'dra ba'i mchu bcad do/ /de rnams zin pa dang / sras kyis lo 'khor te| zhabs 'dzugs kyi dga' ston la/ btsun mo gnyis po'i pha ming rgya dang sna nam nas bos so/ /der sna nam pa rnams kyis bu chung dga' bar byed pa'i yo byad/ rgyan dang / gos dang / me tog gi phreng ba rnams khyer 'ongs so/ /der rgya dang / sna nam gnyis nas/ btsun mo gnyis po'i pha ming rnams bod du slebs so| |der rgyal po'i pho brang du rgyal po gser khri'i steng du gung la bzhugs/ g.yas na sna nam pa rnams kyis bsdad/ g.yon na rgya rnams kyis bsdad/ der yab rgyal pos sras rgyan du mas brgyan te/ gser skyogs 'bras chang gis gang ba sras kyi lag tu gtad nas/ yab na re/ ma gnyis las skyes pa'i bu gcig