[A:301]nyes/ nad yams byung bas/ 'dre srin dam la 'dogs pa'i phyir du u rgyan gyi yul nas slob dpon padma 'byung gnas gdan drangs te/ bod kyi 'dre srin dam la btags te/ rje blon chos byed pa la 'gal rkyen med par mdzad do/ /slob dpon gyis rgyal po la rig 'dzin gyi tshe chu gnang bas/ blon po chos la mi dga' ba rnams kyis rgyal po la mon gyi smyo chu dug yin pas/ mi gsol bar zhu zhus pas/ rgyal po yang the tshom du gyur nas ma gsol/ nad du mdze mi 'ong ba'i phyir/ klu'i rgyal po mal gro gzi chen dam la btags nas rdo rje bsnun pas gzi chen gyis khye'u zhig tu sprul nas/ rgyal po la grogs po bcol lo/ /rgyal po la ji ltar 'dod pa'i dngos grub ster bar khas blangs nas/ rgyal pos klu'i ngo chen mdzad nas thugs dam blang ngo / /yang slob dpon gyis ngam shod kyi bye thang thams cad ne'u thang du gtang bzhed pa la/ blon po ngan pa rnams kyis rgyal po la zhus te/ slob dpon gyis rdzu 'phrul yin pas ring du mi gnas shing mi rung ngo zhes zer te mdzad par ma zhus/ gzhan yang
slob dpon gyis rgyal po'i btsun mo mkhar chen bza' 'tsho rgyal dbang yon du khab tu bzhes pas/ blon po thams cad ma dga' bar/ rgyal po la snyan 'phra zhus nas/ rgyal pos slob dpon gyi zhal la ma nyan pas mdzol pa chen po gsum byung zer ba la sogs dang /
slob dpon mthu che bas rgyal srid la gnod par nges/ slob dpon yul la gshegs par zhu zhus so/ /bsam yas kyi bka' gtsig na/ slob dpon slar u rgyan yul du bzhud zer ba 'dug ste/ rgyal po dang gros mdzad nas/ tsa ri la sogs su bzhugs/ ma zhang khron (grom )pa skyes bsad rting / slar bsam yas su byon zer/
de nas rgyal pos bod 'bangs rnams bsags te/ snga gong bod du rab tu byung ba'i dpe mi 'dug pas/ bod du rab tu byung ba e