[A:302]'ong blta ba'i phyir/ blon po dang 'bangs kyi bu blo rno ba bdun/ bo dhi sa twa'i drung du rab tu byung ste/ de'ang sba sang shi'i bu ratna/ mchims a nu'i bu shAkya bra baeds: (pra bha)/ pa gor ratna'i bu bai ro tsa na/ ngan lam rgyal ba mchog dbyangs/ rma a tsarya rin chen mchog 'khon klu'i dbang po bsrung ba/
lo rgyus zhig na/ 'khon klu'i dbang po sad mi mi bdun la mi the zer ba'ang 'dug
gtsang legs grub ste/ bdun gyis rab tu byung bas/ sad mi mi bdun zhes grags so/ /de bzhin du btsun mo dang / blon po 'bangs la sogs pa'i bu sum brgya rab tu byung ste/ rgya gar du blo rno ba rnams brdzangs te/ sgra dang lo tsA slob tu btang ngo / /de nas rgyal po'i thugs la dpal bsam yas mi 'gyur lhun gyis grub pa'i gtsug lag khang bzhengs par 'dod nas/ blon po 'gos la sogs pa'i chos blon rnams dang gros mdzad de/ dka' ba'i las rnams ma bsten na/ /sla ba'i las la grub pa med/ /gsungs te/ mnga' 'og gi blon po bod 'bangs rnams bsags te/ rgyal po'i zhal nas sngon chad bod kyi rgyal po byon pa la nga che/ ngas lag rjes chen po zhig 'jog dgos/ rgyu shel las grub pa'i mchod rten shar ri dang mnyam pa zhig 'chos sam zhang po rgya'i yul mthong ba'i mkhar zhig brtsig gam/ has po ri zangs kyis 'thum mam/ dka' bcu thang la khron pa 'dom dgu brgya dgu bcu yod pa 'bru'am/ wa lung grog mo gser phyes 'gengs sam/ gtsang po sbubs su 'jug gam/ dkon mchog gsum kyi rten bzhugs pa'i lha khang bre tshad tsam zhig bzhengs sam 'doms shig gsungs pas/ der thams cad kyis rgyal po'i bka' de gser gyi pha bong bzhin sems thog tu lji bar byung nas/ zhu ma shes par mig hu re lus