[A:314]gis/ /lha yi glu la dpe blangs nas/ /g.yu khang gser khri bya ba blangs/ /lha sras mu ne btsan po yis/ /'jig rten sgron me bya ba blangs/ /lha sras mu tig btsan po yis/ /seng ge 'gying ba bya ba blangs/ /btsun mo rnams kyis glu blangs pa/ / g.yu mtsho 'khyil ba bya ba blangs/ /mchod gnas rnams kyis glu blangs pa/ / mkhan po bo dhi sa twa yis/ /sgam phreng dkar po bya ba blangs/ /slob dpon padma 'byung gnas kyis/ /lha 'dre zil gnon bya ba blangs/ /mkhas pa bai ro tsa na yis/ /dbyangs yig khug pa bya ba blangs/ /gnubs ban nam mkha'i snying po yis/ /mkha' la khyung lding bya ba blangs/ /ngan lam btsun pa rgyal mchog gis/ / rta mgrin 'gying dbyangs bya ba blangs/ /mkhas pa cog ro dpal bzang gis/ / skyid pa'i dpal dgu bya ba blangs/ /blon po rnams kyis glu blangs pa/ /chos blon chen po 'gos rgan gyis/ /drang shing dkar ba bya ba blangs/ /de sras yab lhag khri bzangs kyis/ /mdzangs yig 'phrul gyi lde mig blangs/ /shud pu dpal gyi seng ge yis/ /ngur chung g.yu rings bya ba blangs/ /dmag dpon lha bzang klu dpal gyis/ /zar chen zar chung bya ba blangs/ /nyang bzang zhang po khri rgyal gyis// seng ge 'grel chen bya ba blangs/ /sbas kyi bstan bzang dpal legs kyis/ / 'dod pa re brgyad bya ba blangs/ /mgar gyi khyung po dum tshugs kyis/ /bya rgod lding ba bya ba blangs/ /mchims kyi rdo rje sprel chung gis/ /mchims kyi brjed glu bya ba blangs/ /sna nam rgyal tsha lha snang gis/ /lha shug gong ma bya ba blangs/ khri 'bring lha 'od khug chos kyis/ /mdo chod rab 'bring tha gsum blangs/ /gnyags kyi khri bzang yang bon gyis/ /zla 'od khyab gdal bya ba blangs/ /li ngam stag sgra