[A:313]mtshar che/ /mthong ba tsam gyis nyams re dga'/ /de phyir bsam gyi blo re bde/ / lus 'phags gling la dpe blangs nas/ /shar gyi lha khang gsum po 'di/ /rin chen lnga las grub pa ste/ /brtsigs pa mi 'dra skyes pa 'dra/ /nga yi lha khang ngo mtshar che| |mthong ba tsam gyis nyams re dga'/ /de phyir bsam gyin blo re bde/ / 'dzam bu gling la dpe blangs nas/ /lho yi lha khang gsum po 'di/ /rin chen lnga las grub pa ste/ /brtsigs pa mi 'dra skyes pa 'dra/ /nga yi lha khang ngo mtshar che/ / mthong ba tsam gyis nyams re dga'/ /de phyir bsam gyin blo re bde/ /ba glang spyod la dpe blangs nas/ /nub kyi lha khang gsum po 'di/ /rin chen lnga las grub pa ste/ /brtsigs pa mi 'dra skyes pa 'dra/ /nga yi lha khang ngo mtshar che/ / mthong ba tsam gyis nyams re dga'/ /de phyir bsam gyin blo re bde/ /sgra mi snyan la dpe blangs nas/ /byang gi lha khang gsum po 'di/ /rin chen lnga las grub pa ste/ /brtsigs pa mi 'dra skyes pa 'dra/ /nga yi lha khang ngo mtshar che/ / mthong ba tsam gyis nyams re dga'/ /de phyir bsam gyin blo re bde/ /nga yi yakSha gong 'og 'di/ /mkha' la nyi zla shar ba 'dra/ /nga yi btsun mo gling gsum 'di/ /g.yu yi maNDal bkod pa 'dra/ /nga yi mchod rten dkar po 'di/ /dung dkar g.yas su 'khyil ba 'dra/ /nga yi mchod rten dmar po 'di/ /me lce gnam la bsnyegs pa 'dra/ /nga yi mchod rten sngon po 'di/ /g.yu yi ka ba btsugs pa 'dra/ /nga yi mchod rten nag po 'di/ /lcags phur sa la btab pa 'dra/ /nga yi mchod rten ngo mtshar che/ /mthong ba tsam gyis nyams re dga'/ /de phyir bsam gyin blo re bde/ /de la sogs pa dgyes pa'i glu/ /sum cu rtsa gsum lha dbang