[A:317] bdag gis thul bar 'dug go dgongs nas shin tu dgyes par gyur to/ /de nas bsam yas su phebs pa dang / rgyal po'i zhal nas/ bdag ni sangs rgyas kyi bstan pa la rab tu mos nas/ gtsug lag khang sde skor dang bcas pa bzhengs/ rgya gar nas paNDi ta gdan drangs/ sde snod gsum gyi chos thams cad bsgyur zhing yang dag par gtan la phab/ dge 'dun gyi sde btsugs/ chos la dgongs pa gcig tu mthun pa zhig yin na'ang / rgya nag nas ha shang byon te/ chos la lta ba ma mthun par so sor bye bas/ mkhas pa ka ma la shI la gdan drangs pa yin/ bstan pa gcig la ston pa gnyis mi 'ongs pas/ sangs rgyas bcom ldan 'das kyi dgongs pa mthun par sgro gleng gi rtsod pa mdzod la nga rgyal ma mdzad par rtsod pa su rgyal de la pham pa des me tog gtor cig gsungs so| |der sems bskyed byang chub gling du gdan khri chen po bshams te/ rgyal po gung la bzhugs/ g.yas phyogs su ha shang dpon slob rnams bzhugs/ g.yon phyogs su ka ma la shI la dpon slob bzhugs/ rtsod pa byas pas mkhas pa ka ma la shI la rgyal bar gyur te/ ha shang gis pham blangs nas me tog gtor ro/ /de nas ha shang slar rgya yul la bzhud pa dang / lham ya cig bod du lus pas ha shang gi zhal nas da rung bod du nga'i lta ba 'dzin pa 'ga' re yod par 'dug gsungs so/ /de ltar yang rgya gar nas paNDi ta mkhas pa byon/ rgyal pos yon bdag mdzad/ lo tsA ba mkhas pas bsgyur zhing gtan la phab pa'i chos la 'jug par gyis shig ces rgyal pos bka' bstsal to/ /mkhas pa rnams dgongs pa gcig tu mthun cing / dam pa'i chos dar zhing rgyas par mdzad/ sras