[A:318]mu ne btsan po la rgyal srid gtad nas/ yab zung mkhar smyug ma mkhar gyi pho brang la byon te bzhugs so/ /'di dag ni zur tsam bsdus pa yin gyis/ rgyas par 'dod na bsam yas kyi bka' gtsigs chen mo la gzigs shig de ltar chos rgyal khri srong lde btsan de dgung lo lnga bcu nga drug pa shing mo glang gi lo la zung mkhar du gshegs so/ /
de'i bang so mu ra ri la brtsigs/ /gral ni yab kyi rgyab ngos g.yas na yod/ /de ni ma grongs pa nas nyid kyis brtsigs/ /ming ni 'phrul ri btsug snang bya bar btags/ /de yi rtsa na rdo ring zhig kyang yod/ /bang so phyi rgyan can du grags par gyur/ /zhes so/ /
nyer gnyis pa/ sras mu ne btsan po ni/ chu pho stag gi lo la brag dmar du sku 'khrungs/ dgung lo nyi shu rtsa brgyad la rgyal srid bzung / rgyal khams la dbang bsgyur/ btsun mo ru yong bza' mdo rgyal khab tu bzhes/ dge ba bcu'i khrims bzung / yab kyi thugs dgongs rdzogs pa'i phyir du 'dul ba dang mngon pa dang / mdo sde gsum gyi mchod pa btsugs/ mchod rten chen po bzhi'i gdugs dang / dbu rtse'i bya 'dab lcags thag gis sbrel/ dar po che/ 'phan chen po rnams 'phyar/ mchod pa dpag tu med pa phul te/ rgyal po'i zhal nas/ nga'i yab kyi gtsug lag khang 'di rnams la/ khyed bod 'bangs thams cad kyis rta phyugs dang / mtshon cha ma gtogs pa/ gzhan gser dngul/ g.yu mu tig la sogs pa'i dngos po gang 'dug phul cig gsungs pas/ rje'i bka' btsan pas/ la las ni gser dngul rin po che mang po phul/ la las ni g.yu dang ber