[A:327]zur tsam yin gyis/ bod dang rgya'i chad mol gyi yi ge zhib par 'dod na/ lha sa'i rdo ring gi yi ge la gzigs shig de rjes sog po'i dmag dpon bod du byung ste/ blon po khyung zhags bsad pas des rkyen nas bod dang rgya gnyis 'brel chad pa yin zer ro/ /rgya bod lo rgyus deb ther 'di/ rgya nag tha'i dzung rgyal po'i dus kyi yig mkhan su khyi han gyis bsgrigs pa las rim pa bzhin du bcos te/ dus phyis rgya'i lo tsA ba 'u kyang dzus/ shing khun sde chen du bod skad du bsgyur ba la/ lo grangs mi mthun pa 'ga' re dang de dus kyi mi'i ming rnams la 'dra min re 'dug na'ang bla ma gu shrI rin chen grags rgya yul na bzhugs dus/ rgya bod kyi 'brel tshul 'di rnams gtan tshigs su bzhed nas/ shing mo bya'i lo la shing kun sde chen du par du btab ste kun la rgyas par mdzad pa yin no/ /'di ni zur tsam yin gyis/ bod dang rgya'i 'brel tshul dang / dbon zhang gi lo rgyus rnams zhib par 'dod na/ par ma de nyid la gzigs shig de ltar rgyal po mnga' bdag ral pa can des/ sangs rgyas kyi bstan pa rin po che la dgongs nas/ dbang dge 'dun la gtad/ chos khrims dang / rgyal khrims gnyis gtan la phab/ lha sa/ bsam yas/ dkar chung la sogs pa'i yab mes kyis bzhengs pa'i lha khang rnams la zhabs tog mdzad/ bod 'bangs thams cad dge ba bcu'i khrims la bkod de/ rku dang / jag dang / g.yo zol sogs byed pa med par gyur nas/ blon 'bangs chos la mi dga' ba thams cad spyod pa shin tu dog par gyur to/ /de nas 'bangs rnams kyis nged rang rnams 'di tsam pa'i spyod pa dog pa 'di gang gis lan zhes gcig la gcig gis smras pa dang / de dag ni