[A:328]'di rnams kyis lan no zer te/ btsun pa rnams la mdzub mo gtad nas/ mig ngan bltas pas/ rgyal pos gsan te/ nga'i rab tu byung ba rnams la sdigs mdzub gtad nas mig ngan lta bar mi rigs pas/ da phyis sus byas na'ang mig phyung la mdzub mo chod cig gsungs so/ /de ltar rgyal po chos la shin tu dkar ba de la/ sbas stag rna can la sogs pa sdig blon rnams shin tu ma dga' nas/ chos khrims 'jig pa'i gros byas nas/ rgyal po ma bkrongs na chos khrims 'jig mi thub zer/ la la na re/ rgyal po bkrongs kyang / lha sras gtsang ma dang / blon po bran kha dpal yon gnyis chos la dga' bas chos khrims 'jig mi thub zer/ der snga sor lha sras gtsang ma dang / bran kha dpal yon gnyis med pa byas/ de rting la rgyal po bkrong bar thag bcad/ mo rtsis pa rnams la brngan pa byin nas/ thams cad kha mthun par lha sras gtsang ma 'dir bzhugs na/ sku tshe la bar chod 'ong zhing / rgyal srid 'jig par 'gyur zhes glengs nas/ lha sras gtsang ma dpa' gro mon la spyugs/ de'i rjes la rgyal po la sbas stag rna can gyis phra ma zhus te/ chos blon chen po bran kha dpal gyi yon tan dang / btsun mo cog ro bza' dpal gyi ngang tshul gnyis mi 'os pa'i spyod pa byas so zer nas/ chos blon chen po nyes med la skyon phab nas bkrongs so/ /de rjes la rgyal po dgung lo sum cu so drug pa lcags mo bya'i lo la/ rgyal po 'bras chang gsol nas gzims pa la/ sbas stag rna can dang / cog ro lha lod gnyis kyis rgyal po ltag pa bskor nas bkrongs so/ /'di yan la skyid pa'i gdung rabs phyed dang bcu gsum dang / shin tu skyid pa'i gdung rabs lnga zer/ mnga' bdag ral