[A:331]pas/ ri dwags pa de bstan nas khong gnyis na re/ khyed cag ma 'khrul/ btsun pa smyo 'dug zer te/ btsun pa de rtsar bos nas rgyu mtshan dris pas/ btsun pa na re| khyed cag gsum po rgyal po'i chad pa ma phog pa nyen re che zer nas/ chos snubs pa'i lo rgyus rgyas par bshad pa dang / khong gsum po shin tu skrag par gyur nas/ skad cig kyang sdod pa'i longs med par 'dul ba'i pu sti drel rgyab gsum khyer nas/ byang lam la phyin khams su bros te/ dan tig shel gyi brag phug tu bzhugs so/ /de'i rjes la ka 'od mchog grags pa dang rong ston seng ge rgyal mtshan gnyis kyis mngon pa dang mdzod kyi pu sti mang po khyer nas khams la bros te/ san chung gnam rdzong gi brag khung du bzhugs so/ /de'i dus su lha lung dpal gyi rdo rje yer pa'i brag khung na/ sgom byed kyin yod pa la nam phyed na lha sa'i bstan srung dpal lha mo byung nas da lta bod na grub thob khyed las mi 'dugargyal po glang dar mas sangs rgyas kyi bstan pa la bar gcod byas/ rgyal po sdig can gsod ran kho mos grogs bya yis/ snying ma chung cig zer ro/ /sang nye gnas la rgyu mtshan dris pas bden par 'dug nas rang gi srog blos btang ste/ sangs rgyas kyi bstan pa la bsam ste/ rgyal po gsod pa'i spobs pa bskyed nas thabs sna tshogs byas te/ rta dkar po la sol ba byugs nas nag po byas/ ber phyi nag pa nang dkar ba byas te gon/ mgo la zhwa nag po gon/ gdong la sol snum byug phu thung du mda' gzhu bcug rta nag la zhon te/ bdud nag po bkrag med yin no zhes zer te lha sar 'ongs so/ /der rgyal po rdo ring gi yi ge gzigs kyin 'dug pa'i drung du phyin te/ phyag byed pa ltar byas nas yi dam la