[A:330]der sad dang ser ba dang / btsa' dang / mu ge dang / mi nad phyugs nad la sogs pa byung bas/ de la snyad byas/ rgyal po'i thugs la gdon gsol nas sangs rgyas kyi bstan pa bsnubs so/ /rab tu byung ba rnams la la shan pa bcol/ la la rtags dang phral/ la la ri dwags bshor du bcug ma nyan pa rnams srog dang phral/ lha khang 'jig pa'i sngon ma lha sa la byas te/ jo bo rnam gnyis chu la bskyur gsungs pa chos blon rnams kyis thabs byas te/ rang rang gi khri'i 'og tu sbas/ byams pa'i sku ras kyis dril nas/ 'o thang gi mtsho 'gram du sbas/ nang gi lder sku rnams chu la bskyur bsams nas/ phyag na rdo rje'i mgul la thag pa btags pas/ 'dogs mkhan skad cig la khrag skyugs nas shi bas lha khang 'jig 'phro bcad/ lha sa dang bsam yas la sogs pa'i sgo rtsig
rme ru ma gtogs/
gzhan lha khang chung ba thams cad bshig glegs bam la la chu la bskyur/ la la me la sregs/ la la gter bzhin sbas so/ /blon po chos la dga' ba rnams kyis rgyal po'i thugs la gdon gsol bar shes nas mya ngan drag tu byed cing mgrin gcig tu rgyal po chen po sangs rgyas kyi bstan pa rin po che smad par mi rigs/ sngar srol bzang po la dgongs nas/ yab mes kyi yig tshangs la gzigs shig ces ngus so/ /dus der chu bo ri'i sgom grwa na/ g.yo dge 'byung / gtsang rab gsal/ dmar shAkya mu ne gsum sgom gyin yod pa la/ btsun pa gcig gis sham thabs brdzais lag tu mda' gzhu thogs/ mgo la bya sgro btsugs nas 'phral du khyi khrid nas ri dwags bshor gy-in 'dug pa g.yo dge 'byung gis mthong nas/ ban rgan 'khrul lam/ btsun pa smyo zer ci byung dris