[A:332]dmod btsugs te/ phu thung nang nas mda' gzhu bton/ phyag dang po la mtheb sprad/ gnyis pa la mda' bkang / gsum pa la rgyal po'i dpral ba la mda' brgyab nas bros so/ /der rgyal pos phyag gnyis kyis dpral ba'i mda' la 'jus te mod la grongs so/ /
rgyal po glang dar ma glang lo la 'khrungs/ bya lo la rgyal sa bzung / lo lnga'i bar du chos snubs/ dgung lo sum cu so brgyad lon pa'i stag lo la grongs pa yin no/ /
der ra mda' bos nas phyogs bzhir rgyugs pas/ shar phyogs pa rnams na re/ zin la khad yod pa la dga' mo gdong nas sa sros nas ma mthong bar shor zer ro/ / lho phyogs pa rnams na re/ grib kyi chu 'gram nas sa sros nas ma mthong bar shor zer/ nub phyogs pa rnams na re/ shun gyi 'brang nas sa sros nas ma mthong bar shor zer/ byang phyogs pa rnams na re/ mdong mkhar gdong nas sa sros nas ma mthong bar shor zer/ nges pa can du grib kyi mdar gdong gi chu la lte nyal byas pas/ rta la sol ba byugs pa dag ste dkar por song / zhwa nag bskyur/ gdong gi sol snum bkrus/ ber dkar po phyir bstan nas gon te/ nga ni lha gnam thel dkar po yin no zer nas song ngo / /der phyogs bzhir rgyugs pa'i ra mda' ba rnams kha ma 'cham par so so'i mdun du sprul pa re re byung bas/ 'di ni lha lung dpal gyi rdo rje yin nges zer nas yer ba'i brag la 'tshol du btang ngo | |der dpal gyi rdo rjes brag khung der/ bsam gtan la yod pa'i lugs su byas/ phug ron gcig bzung nas sa rdul 'bebs su bcug de'i steng du mug ma dang grog sbur la sogs pa btang bas de rnams kyi rjes mis mthong ba dang min par shes nas log go /mi rig pa dang ldan pa zhig nang du byung ste/ khong gi