[A:334]nyi ma mgon/
'di nas ya tshe dang mnga' ris kyi rgyal po byung /
chun ma'i sras bkra shis brtsegs pa/ 'di nas la stod pa dang yar lung jo bo byung /
'di gnyis kyi srid gang yod rnams yum brtan gyis phrogs pas/ mnga' ris la bros nas mnga' ris rgyal po mdzad pa yin no/ /sprang phrug gces par gsos pas mnga' bdag yum brtan byung / /rigs ngan dpon du bskos pas dge bcu'i rgyal khrims med/ /sha gong nyung mas bcad pas phan bde'i nyi ma 'gribs/ /rgyal brgyud mtha' la phud pas rje yi gdung rabs chad/ /ces pa'o/ /
nyer brgyad pa/ yum brtan gyi sras la/ khri de mgon snyan/ de la sras gnyis 'khrungs pa'i che ba rig pa mgon/ chung ba nyi ma mgon/ nyi ma mgon gyi sras nyi 'od dpal mgon/ 'di'i brgyud rlung shod/ 'phan yul/ mdo khams na mang ngo / khri rig pa mgon la sras gnyis 'khrungs pa'i che ba lde bo/ chung ba rdo rje 'bar lde po'i brgyud bug pa can pa dang / thang la brag pa rnams so/ /rdo rje 'bar gyi sras khri dbang phyug btsan/ de'i sras tsha na ye shes rgyal mtshan/ de'i sras mnga' bdag khri pa/ yab sras 'di gnyis kyi dus su bstan pa'i me ro mdo khams nas lang pa yin no/ /mnga' bdag khri pa la sras bzhi 'khrungs pa/ a tsa ra| dge slong / bla ma/ lha btsun bo dhi ra tsa'o/ /a tsa ra'i brgyud/ 'phrong po ba/ lcang rgyab pa/ glag pa lam pa/ grib pa/ snye thang pa/ lus pa gtsang bo la sogs pa rnams yin no/ /bla ma la brgyud med/ dge slong gi brgyud dpe bzhi pa/ 'on rdo mong mkhar pa rnams yin no/ /bo dhi ra tsa'i brgyud la/ lha btsun sngon mo snyug rum pa/ lha 'bri sgang pa la sogs pa bsam yas na da lta yod pa rnams yin