[A:336]yul zhog na rmu gsal gshen 'bar bya ba'i bon po'i bu/ rmu za 'phan bya ba'i byis pa zhig gis/ snang gsal lha khang bya ba'i nang du phyin pas/ rab tu byung ba chos nyan bshad byed pa 'dra ba'i gzugs gyang ris la 'dug pas ci yin dris pas/ de na 'dug pa'i rgan mo zhig na re/ rab tu byung ba bya ba'i gzugs yin byas pas/ byis pa de sngon gyi las 'phro'i dbang gis dad pa skyes nas mchi ma phyung ste/ rab tu byung ba da lta e yod dris pas/ rgan mo na re/ nga bu mo'i dus na yin te/ rgyal po glang dar mas chos snubs pa'i dus/ rab tu byung ba rnams phab pas/ rtags dang phral/ la la bsad/ la la shi da lta dbus gtsang na rab tu byung ba med do/ /chu bo ri dang yer pa la sogs nas khams su bros pa'i rab byung mang po da lta khams na yod thag chod 'dug zer bas/ rab tu dga' ste/ lus dang srog la ma bltas par byis pa des khams su phyin pas/ lha lung dpal gyi rdo rje dang mjal nas/ dad pa skyes nas rab tu byung bar zhus pas/ lha lung dpal gyi rdo rje'i zhal nas/ bdag gis rgyal po sdig can bsad pas nga la sdom pa med/ ngas grogs bya yis gsungs nas/ mkhas btsun de rnams dang mjal rab tu byung bas/ ming yang bla chen dgongs pa rab gsal du grags so/ /de ltar khams na sangs rgyas kyi bstan pa dar zhing / bod na chos med par mun pa'i smag rum du gyur pa na/ rgyal po sdig can gyis chos bsnubs nas lo brgyad cu lon pa na bsam yas kyi mnga' bdag tsha na ye shes rgyal mtshan des bdag rkyen mdzad nas khams su sdom pa len pa'i thog mar/ dbus gtsang gi mi bdun du grags pa ni/ klu mes shes rab tshul khrims/ 'bri ye shes yon tan/ tshong ge