[A:340]so gnyis pa/ lha bla ma byang chub 'od kyi gcung po 'od ldes paNDi ta kha che dA na shrI spyan drangs/ de'i sras btsan lde/ de'i sras bha lde/ de nas rim pa bzhin du bkra shis lde bha re na ga lde rnams byung ba 'di rnams kyis gu ge spu rangs mang yul la sogs pa'i rgyal khams la dbang byas pa yin no/ /yang na ga lde'i sras btsan phyug ldes ya tsher byon te rgyal po mdzad/ de'i sras bkra shis lde/ de'i sras grags btsan lde/ de'i sras grags pa lde/ de'i sras a rog lde/ de'i sras a sog lde/ de'i sras dzi dar smal dang / a nanda smal gnyis so/ /a nanda smal gyi sras/ ri lu smal gyis lha sar jo bo rin po che'i dbu thog tu gser thog phub/ de la sras gnyis sang gha smal dang / 'dzi thar smal gnyis so/ /'dzi thar smal gyi sras a 'dze smal/ de'i sras ka len smal/ de'i sras bar rti smal/ de nas ya tshe'i rgyal brgyud chad nas spu rangs nas mnga' bdag bsod nams lde ya tsher gdan drangs nas rgyal sa bzung / pu Ni smal bya bar mtshan btags/ de'i sras pri ti smal dang / blon po dpal ldan grags gnyis kyis lha sar bcu gcig zhal gyi steng du gser thog phub/ stod na bzhugs pa'i rgyal brgyud 'di rnams/ gser thog pa rin rdor gyi yig tshang las zur tsam bris pa yin gyis rgyal po re re bzhin gyi mdzad pa phrin las rnams zhib par shes 'dod pa de nyid kyis yig tshang la gzigs shig /
so gsum pa/ yang bod kyi rgyal po'i gdung brgyud gong du bshad pa ltar rje dpal 'khor btsan gyi chun ma'i sras/
'di nas la stod dang / gtsang stod tsong kha mdo smad yar lung jo bo la sogs bod kyi rgyal brgyud yin nges rnams yin no/ /
bkra shis brtsegs pa