[A:341]la sras gsum byung ba dpal lde 'od lde skyid lde gsum yin te/ 'di gsum la smad du bzhugs pa'i lde gsum zer/ sras che ba dpal lde'i sras ni sngon po tshom por thugs te/ khab gung ba klu rgyal ba spyi pa lta rtse glang lung btsad 'khor ba rnams te/ la stod man chod pa rnams yin no/ /sras chung ba skyid lde shangs rta nag tu phog sras drug byung ba'i lnga byang du gshegs te/ 'bro'i btsad po dang / g.yas ru ru lag gi btsad po pam dang / mus pa dang 'jang nyang stod na yod pa rnams so/ /sras 'bring po 'od lde la sras bzhi byung ba/ pha ba de se khri lde khri chung nyag lde'o/ /pha ba de se'i brgyud snub yul dang rong dang / g.yag sde nyang stod stag tshal na yod do/ khri lde'i brgyud ni shar tsong kha'i rgyal po spyan mnga' don chen la sogs pa mdo smad kyi btsad po da lta bzhugs pa rnams yin no/ /nyag lde'i brgyud gtsang g.yas ru na yod/ skyin mkhar btsad po'i bar du'o/ khri chung gis/
yar lung jo bo'i yang mes/
yar lung du byon nas sku mkhar 'phying ba stag rtse bzung / de'i sras 'od skyid 'bar/ de la sras bdun byung ba'i che ba zhang rje tsha khri 'bar/ de'i gcung po btsad pa tsha spun drug zhang rje tsha khri 'bar gyi sras drug la g.yu thog gi brgyad sna mo ba 'phying nga ba don mkhar ba thang 'khor ba rnams so/ / gcung po btsad pa tsha spun drug ni lha spyad dang / brgyud med/
g.yu can gnyis 'di nas yar lung jo bo byung /
dar dang brgyud med
lhun po gnyis brgyud med
'od lde dang gung btsan gnyis te drug go /'od btsan dang gung btsan gyi brgyud ni khra 'brug pa bying ba byar ba chu mig gog po na yod pa rnams so/ /g.yu can ni gar mi yon tan g.yu rung gis gdan drangs nas byas sar byon te bzhugs/ de'i sras jo dga'/ de