[A:138]sang bya bas rgyal sa phrogs/ de'i rgyal brgyud chad nas/ su g.yang ti zer ba'i rgyal po pha bu gnyis kyis rgyal sa bzung / de'i rjes thang gi rgyal po byung ba yin no| |de yang rgya nag gi deb ther na/ bcom ldan 'das mya ngan las 'das nas lo nyis stong dang lnga brgya drug cu re drug lon pa'i dus su rgya nag gi rgyal po thang zhes bya ba byung ste bod dang 'brel byung / bod kyi rgyal po gnam ri srong btsan dang dus mnyam zer ro/ /thang gi rgyal po'i sras thang ka'o dzung gis rgyal sa bzung / de'i sras tha'i dzung gi rgyal po'i dus su/ bod kyi rgyal po srong btsan sgam po dang dus mnyam ste/ rgyal po de'i sras mo 'on shing kong jo bod du byon pa yin no/ /de la bu bdun byung ba/ rim pa bzhin du rgyal sa bzung / bu che ba'i brgyud dzung dzung rgyal po rgyal sar byon te/ de ni thang gi rgyal brgyud lnga pa yin no// de dang bod kyi rgyal po mes ag tshom gnyis po dus mnyam ste/ rgyal po de'i bu mo gyim shing kong jo bod du byon pa yin no/ /de'i sras thang zan zung bya bas rgyal sa bzung / de'i rjes su/ de'i blon po hang cha'o zer ba zhig gis ngo log byas nas rgyal sa phrogs/ de nas long zhes bya ba'i rgyal brgyud rigs lnga byung nas/ lo lnga bcu'i bar du rgyal sa bzung / de'i rjes su ci'u tha'i du zer ba'i rgyal po byung nas/ 'di nas rgyal sa mi nyag la shor/ 'di'i rgyal brgyud rim pa brgyad kyi bar du span long du byung ste/ sman rtse lha btsun gyi bar du'o/ /yang rgya'i rgyal sa mi nyag la shor ba'i lo rgyus la/ mi nyag gi rgyal khams thams cad rgya'i 'og na yod pa la/ byang ngos dang 'ga'i bar na/ smon shri zhes pa'i ri gcig la klu bdud gdug pa can/ se hU zer ba mchod na 'phral gyi phan bde tsam las ster