[A:137]tsandan gyi sku bzhengs/ bcom ldan 'das lha las babs pa'i tshe/ tsandan gyi sku la rab tu gnas par mdzad nas/ mya ngan las 'das nas lo stong lon pa'i tshe/ sku 'di gnyis kyis rgya nag gi yul du sems can gyi don byed par 'gyur zhes lung bstan pa yin/ rgya nag gi rgyal po la snga ba ci'u zhes pa de la rgyal brgyud sum cu so drug byung / de rnams kyis rim pa bzhin lo brgya tham pa'i bar rgyal sa bzung / de rjes tshan hri hang gi rgyal po zer ba pha bu gnyis kyis lo bdun cu'i bar du rgyal sa bzung / de rjes han ka'o dzung zhes pa'i rgyal po byung nas/ de'i rgyal brgyud mi rabs bcu gnyis kyi bar du rgyal sa rim pa bzhin du bzung / de'i mtshams su/ aM maM zer ba'i blon po zhig gis rgyal sa phrogs te/ aM maM gyis lo bco brgyad rgyal sa bzung / de rjes la gong gi rgyal brgyud han ka'o dzung rang gi mi brgyud yin pa'i sle'u blong zer ba zhig byung nas aM maM bsad/ sle'u blong gis rgyal sa bzung / de la bu lnga byung ba'i che shos han mi ti zer ba'i rgyal po byung / de'i bu han ha'o ti'i rgyal po byung / de'i lag nas de'i blon po yin pa'i tsha bo tsha'a'i zer ba zhig gis rgyal sa phrogs nas/ blon po de'i mi brgyud rim pa lngas rgyal sa bzung / de'i lag nas de'i blon po um ti zer ba zhig gis rgyal sa phrogs/ de'i rjes su hi'u tsing gi rgyal pos rgyal sa bzung / hi'u tsing la/ sras che ba dung tsing gis rgyal sa bzung / de'i rjes la dung tsing gi gcung po si chen gyis rgyal sa bzung /
bu ston gyi chos 'byung na/
spri stim rgyal po zer ba 'dug ste don mthun gsungs/
'di'i dus su jo bo shAkya dang tsandan gyi jo bo gnyis rgya nag tu byon nas dam pa'i chos dar zer rgya'i yig tshang na 'dug de'i rjes su de'i mi dpon ching