[A:156]bzhin stong du bye ba 'di/ phyag stong du byin gyis brlabs so/ /phyag stong 'khor los sgyur ba'i rgyal po stong / /phyag stong gi mthil du spyan stong du byin gyis brlabs so/ /spyan stong bskal pa bzang po'i sangs rgyas stong / /gang la gang 'dul de la de ston pa'i/ /btsun pa spyan ras gzigs la phyag 'tshal lo/ / sangs rgyas stong gis rab tu bsngags pa ste/ /mtha' 'khob 'dul bar rgyal bas lung bstan nas/ /gang la gang 'dul 'gro ba'i don mdzad pa/ /btsun pa spyan ras gzigs la phyag 'tshal lo/ /zhes gsungs te/ kha ba can pa'i sems can rnams 'dul ba'i don du/ sku lus kyi sprul pa mang po bstan nas/ sems can thams cad smin cing grol bar mdzad do/ /'phags pa spyan ras gzigs dbang phyug gis/ kha ba can pa'i sems can rnams smin grol la bkod pa'i le'u ste lnga pa'o// //
drug pa/ rta'i rgyal por sprul nas sems can gyi don mdzad pa'i skor/ de nas 'phags pa spyan ras gzigs dbang phyug des/ thabs du ma'i sgo nas 'gro ba sems can gyi don mdzad de/ dge sdig gi blang dor gyi dpe bstan pa'i phyir/ mdo za ma tog las/ rta'i rgyal po cang shes ba la ha'i skur sprul nas sems can gyi don mdzad par gsungs nas/ de'ang rgya gar lho phyogs kyi tshong pa/ bsod nams dman pa mang po zhig phyi'i rgya mtsho la nor bu len par chas te/ rang rang gi mkho ba'i yo byad du ma dang bcas nas/ gru gzings chen por zhugs pa las/ zhag bdun lon pa'i tshe/ mi 'dod pa'i rlung gis bar gcod byas pa 'di lta ste/ nyin gung sprin nag na bun 'thib pa bzhin/ /nyi ma'i 'od zer