[A:155]la 'khod par mdzad do/ /de ltar khams gsum rigs drug dang / kha ba can pa'i sems can 'dul dka' ba de rnams thabs du ma'i sgau nas bde ba la bkod pas/ thugs shin tu ngal bar gyur nas sems nyid ngal gso'i ting nge 'dzin la snyoms par bzhugs so/ /de nas slar po ta ri'i rtse mo nas gzigs pas/ kha ba can pa'i sems can rnams brgya'i cha tsam yang bde ba la 'khod snyam pa mi 'dug nas/ thugs shin tu mug par gyur nas/ rang zhi bde'i bsam pa cig skyes pa'i skad cig nyid la sngon gyi smon lam gyi mthus/ rang gi mgo tshal pa bcur gas shing / sku lus dum bu stong du zhig par gyur te/ der sangs rgyas snang ba mtha' yas la gsol ba btab pas/ sangs rgyas snang ba mtha' yas skad cig la byon te/ 'phags pa'i dbu dang sku lus tshal par zhig pa rnams chun por phyag gis bcing ste/ 'di skad ces bka' stsal to/ /chos rnams thams cad rkyen yin te/ /'dun pa'i rtsa la rab tu gnas/ /gang gi smon lam ci btab pa/ /de ni de lta nyid du 'gyur/ /gang gi smon lam mthu btsan pas/ / sangs rgyas kun gyis rab tu bsngags/ /bden pa de yis skad cig la/ /nges pa nyid du 'byung bar 'gyur/ /zhes gsungs te/ rigs kyi bu khyod sdug bsngal bar ma byed cig khyod kyi dbu tshal pa bcur gas pa 'di zhal bcur byin gyis brlabs so/ /zhal ras bcu po pha rol phyin pa bcu/ de'i steng du a mi dhe ba dang bcas pas zhal bcu gcig par byin gyis brlabs so/ /bcu gcig dbu la 'od dpag med pa bzhugs/ /zhi rgyas dbang drag las rnams rgyas mdzad pa'i/ / btsun pa spyan ras gzigs la phyag 'tshal bstod/ khyod kyi lus padma'i 'dab ma