[A:161]ma sleb bar du mig tshum cig gsungs te/ rta mchog des nam mkha' la khyer ba dang / srin mo rnams kyis tshor te/ bu tsha khrid byung nas 'di skad zer ro/ /mthon por brtsigs pa'i sa mkhar bskyur phod dam/ /mthun par 'grogs pa'i bza' mi bskyur phod dam/ /sha nas chad pa'i bu tsha bskyur phod dam/ /zhim por za ba'i bza' btung bskyur phod dam/ /mi ngan pa khrel med po zhes zer nas/ la las ni bu tsha nam mkha' la 'phyar/ la las ni gos kyi g.yab mo byas pas/ tshong phrug rnams kyis thos pa dang / snying gi dkyil du mda' phog pa ltar byung nas/ shin tu yang bden bsams nas phyi mig bltas pas/ ded dpon ma gtogs pa thams cad chags nas phyi mig bltas pas thams cad lhung ngo / /lhung ba dang srin mo rnams kyis bzung ste/ sngar gyi lus mdzes pa de med par srin mo'i gzugs su byas nas/ mgo gzing ba nu ma phrag pa la bkal/ mche ba gtsigs nas/ dar cig kyang sdod dbang med par zos song ngo / /de nas rta mchog gis rgya mtsho'i 'gram du sleb pa dang / tshong dpon la mig ltos la bobs shig zer ro/ /der mig bltas pas/ rta'i rgyab na tshong phrug thams cad mi 'dug nas/ shin tu sdug bsngal bar gyur nas/ rta mchog rgyal po nga'i tshong phrug rnams ga re zer zhing ngus pas/ rta mchog de'ang lag pa sa la brdab cing mchi ma phyung nas 'di skad do/ khyod kyi bsod nams zad pa'i tshong phrug rnams/ /rang yul 'dzam bu'i gling la ma bsam par/ /las ngan srin mo'i gling la chags pas phung / /pha ma 'dod pa'i grogs la mi bsam par/ /lang tsho srin mo'i gdong la chags pas phung / /nye du phan pa'i bu la mi bsam par/ /bslu brid srin mo'i bu la chags pas phung / /