[A:162] kye ma kye hud sems can snying re rje/ /rdo rje slob dpon bsad pa'i slob ma de/ / mnar med dmyal ba'i gnas su chud pa na/ /bla ma thugs rje che yang ci zhig bya/ / bu tshar lta ba phyin ci log gyur nas/ /mi 'dod log pa'i rlung gis khyer ba na/ / pha ma brtse dung che yang ci zhig bya/ /bslab bya phan pa'i tshig la mi nyan par/ / tshong phrug phyi mig bltas pas lhung ba la/ /rta mchog 'phur rtsal che yang ci zhig bya| |tshong dpon ma ngu da dung nga la nyon/ /tshe 'di'i bde sdug rmi lam sgyu ma bzhin// ri gzar chu dang nam mkha'i glog sprin 'dra/ /de ltar 'khor ba'i bde la ma chags shig /ces rta mchog des bden pa bzhi'i chos bshad/ tshong dpon gyis mchi ma phyis nas/ tshong dpon rang gi khyim mthong ba'i sar bskyal lo/ /rta mchog de'ang nam mkha' la 'ja' yal ba bzhin du bzhud do/ /de nas tshong dpon gyis rang gi khyim du phyin pa dang / pha ma nye du thams cad der 'dus te/ tshong dpon la 'jus nas ngus so/ /de nas dga' ba'i gtam byas so/ /de nas yang tshong phrug rnams kyi pha ma nye 'brel rnams byung nas/ nga'i pha ga re/ nga'i khu bo ga re/ nga'i tsha bo ga re/ mi re re'i ming nas 'bod cing ngus so/ /de nas tshong dpon gyis tshong phrug rnams kyi pha ma nye du rnams bsags te/ dang po rgya mtshor zhugs pa/ 'jig pa'i rlung dmar gyis gru zhig pa/ mi 'dod pa'i rlung gis ded nas srin mo'i gling du bskyal ba/ srin mo yin par ngo ma shes nas bza' mi byas/ bu tshas 'brel ba'i steng du srin mo yin par ngo shes nas/ 'bros pa'i thabs btsal bas/ lcags kyi khang pa'i mis 'bros pa'i thabs bstan pa/ rta'i rgyal pos bslab bya mdzad pa la ma nyan par tshong phrug rnams kyis phyi mig bltas pas