[A:164]bdag la dgongs shing gsan du gsol/ /bdag ni las kyi dbang gis srin mo'i rigs su skyes/ /'dod chags rgyas pas khyed la zhen cing chags/ /chags pa'i dbang gis khyed la bskor zhing gsol/ /bdag ni khyed dang khyim thabs mi byed na/ /tha ma srin po zhig dang 'grogs nas kyang / /nyin re la'ang sems can khri re gsod/ /nub re la'ang srog chags stong tsam za/ /srin po'i phru gu dpag med skyes gyur nas/ kha ba can gyi rgyal khams 'di nyid du/ /srin po'i grong khyer dag tu gyur nas ni/ /gang yod sems can srin pos za bar 'gyur/ /de bas bdag la dgongs nas thugs rjes zungs/ /zhes gdung ba'i skad kyis mchi ma phyung bas/ der byang chub sems dpa' spre?'u'i bsam par/ 'di'i khyo byas na ni sdom pa 'chor la/ ma byas na ni sdig pa tshabs che bar 'dug snyam nas/ skad cig la ri bo po ta lar 'phags pa'i drung du phyin nas 'di skad ces gsol to/ / kye ma 'gro ba'i mgon po thugs rje can/ /bdag ni dge bsnyen sdom pa srog bzhin bsrungs/ /bdud rigs srin mo chags pa'i 'du shes can/ /gdung ba'i smre sngags sna tshogs bton gyur nas/ /bdag la bskor zhing sdom pa 'phrog tu byung / /de la ci ltar byas na sdom pa bsrung / /byams mgon thugs rje can khyod dgongs su gsol/ /zhes gsol ba btab pas/ 'phags pa'i zhal nas/ brag srin mo'i khyo gyis shig gsungs/ jo mo khro gnyer can dang / jo mo sgrol ma gnyis kyis kyang / nam mkha' nas de ni shin tu legs so gsung ngo / /de nas 'phags pas spre'u dang / brag srin mo gnyis bza' mir byin gyis brlabs nas/ kha ba can 'dir yon tan gsum dang ldan te/ ma 'ongs pa'i dus su sangs rgyas kyi