[A:163]lhung ba la sogs pa rgyas par bshad pas/ thams cad 'khor ba la skyo ba skyes nas/ las rgyu 'bras la yid ches/ dam pa'i chos la 'khod par gyur to/ /dpe de bzhin du/ tshe 'di la chags nas sdig pa byas pa rnams/ tshong phrug phyi mig bltas pas lhung ba dang 'dra ste/ 'khor bar 'khyams nas ngan song nas thar ba'i dus med do/ /tshe 'di la mi chags par dam chos nyams su blang ba rnams ded dpon dang 'dra ste/ mtho ris thar pa'i bde ba thob nas sangs rgyas par byed do/ /rta'i rgyal por sprul nas sems can gyi don mdzad pa'i le'u ste drug pa'o// //
bdun pa/ bod kyi mi brgyud spre'u dang brag srin mo nas chad pa'i skor/ de nas 'phags pa spyan ras gzigs des/ rdzu 'phrul ston pa'i spre'u zhig la/ dge bsnyen gyi sdom pa byin nas/ bod kha ba can gyi rgyal khams su bsgom du btang ngo / /der spre'u des/ brag rog po gcig la bsgom ste/ de'ang byams snying rje byang chub kyi sems bsgom pa dang / chos zab mo stong pa nyid la mos pa byed cing yod dus/ las kyis mnar ba'i brag srin mo zhig der 'ong nas/ chags pa 'dod pa'i brda mang du bstan nas song ngo / /rting la brag srin mo de bud med kyi chas su byas te/ spre'u la khyod dang nga gnyis bza' mi bya'o zer bas/ spre'u na re/ nga 'phags pa spyan ras gzigs kyi dge bsnyen yin pas/ khyod kyi khyo byas na nga'i sdom pa 'chor byas pas/ brag srin mo na re/ khyod nga'i khyo mi byed na nga tshe'i dus byed do zer nas/ spre'u'i rtsar nyal lo/ /de nas brag srin mo langs te/ spre'u la 'di skad ces zer ro/ /kye ma spre'u'i rgyal po chen po khyed/ /cung zad