[A:166]nas/ 'phags pa la 'di skad ces gsol to/ /kye ma/ khyim thabs 'khor ba'i btson rar ma shes shing / /bud med bdud kyis bslus pa ma shes pas/ /bu tshas 'khor ba'i 'dam du bdag tshud do/ /'dod pa dug gi lo mar ma rtogs pas/ /snying rjes chags par gyur pas bdag bslus so/ /'dod pas bsdams shing sdug bsngal ri yis non/ /nyon mongs dug zos las ngan rims kyis btab/ /sdug bsngal phung pos bdag nyid mnar gyur na/ /kye ma kye hud byams mgon thugs rje can/ /da ni ji ltar byas na bu tsha gso/ /'phags pas gnang bas bdag ni 'di ltar 'gyur/ /da lta yi dwags grong khyer lta bur 'dug /phyi ma dmyal bar skye bar the tshom med/ /de phyir bdag la thugs rjes bskyab tu gsol// zhes gsol ba btab pas/ 'phags pa'i zhal nas khyod kyi rigs brgyud rnams ngas bskyang ngo gsungs nas/ 'phags pa yar bzhengs de/ nas/ gro/ sran ma/ bra bo/ so ba rnams ri rab kyi khong seng nas blangs te/ sa la gtor bas yul der ma rmos pa'i lo tog gis gang bar gyur to/ /de nas spre'u byang chub sems dpa' des sprel phrug rnams der khrid de/ ma rmos pa'i lo tog la gtad nas/ da zo dang byas pas/ zo dang gong po ri yin zer ro/ /de nas sprel phrug rnams kyis lo tog zos pas tshim par gyur nas/ spu yang thung du song / mjug ma yang thung du song ste/ smra shes nas mir gyur to/ /zas su ma rmos pa'i lo tog za zhing / gos su shing lo gon par gyur/ de ltar na bod kha ba can pa'i mi 'di rnams pha spre'u dang / ma brag srin mo gnyis las chad pa yin pas/ rigs gnyis su bye yod do/ /de la pha spre'u byang chub sems dpa'i rigs su gyur pa ni/ ngang rgyud