[A:170]nas/ rgyal po'i btsun mo la rta rdzi bcol lo/ /der yum btsun mo des rta mtshor phyin nas/ gnyid log pa'i rmi lam na/ yar lha sham po'i sprul pa mi dkar po zhig dang 'brel ba rmis/ gnyid sad tsa na/ sngas mgo nas g.yag dkar po zhig long nas song ba mthong / de nas zla ba brgyad song tsa na/ yum btsun mo de la khrag gong po lag mgo tsam 'gul shes pa zhig skyes byung ba bskyur bar ni sha nas chad snying rje bar byung / gso ba la ni kha mig gang yang mi 'dug nas/ 'brong ru dron mo zhig tu bcug gos thung gi ngar pas dril bzhag pas/ zhag 'ga' song dus bltas pas/ khye'u zhig byung 'dug de'i ming yang 'jang gi bu ru la skyes zhes grags so/ /des lo bcu lon dus nga'i pha dang / phu bo rnams gar song zhes/ a ma la dris pas/ a mas sngar gyi lo rgyus rnams zhib par bshad pa dang / ru la skyes kyi thabs sna tshogs kyis nyang chu skya mo nas yab kyi pur btsal te/ phying yul dar thang du yab kyi bang so brtsig blon po long ngam bsad/ phu bo gsum gdan 'dren phyin pas/ sha khri dang / nya khri gnyis gdan ma drongs te| kong po dang / nyang po'i rje mdzad nas da lta yang gdung brgyud yod do/ /spo bo'i yul nas/ sras bya khri gdan drangs te/ yar lungs su bzhugs/ sku mkhar bying nga stag rtse brtsigs/ yum gyi sras bya khri la 'jus nas/ lha la dmod bor bas nam mkha' nas sgra byung ste/ khyod kyi bu de kun las rgyal bar 'gyur ro/ / bu de kun las rgyal zer kyang spu de gung rgyal du grags so/ /rgyal po 'dis rgyal sa bzung ste/ blon po ni ru la skyes kyis byas so/ /rgyal blon 'di gnyis kyi dus su| g.yung drung gi bon byung ste/ ston pa gshen rab mi bo bya ba stag gzig 'ol