[A:169] nam mkha' la 'ja' yal ba bzhin 'gro yang zer/ khri bdun bang so nam mkha'i dbyings la btab/ /lha yi lus la ro med 'ja' ltar yal/ /zhes so/ /srib khri btsan po'i sras/ gri gum btsan po/ de la sras gsum byung ba/ sha khri/ nya khri/ bya khri gsum yin no/ /rgyal po gri gum btsan po de/ thugs gdon gyis bslus te| blon po long ngam rta rdzi zer ba zhig la/ khyod kyis nga'i 'thab ya byed dgos zer nas/ long ngam na re/ rje ci lags/ nga 'bangs shig gis rje'i 'thab ya mi 'ong zhus kyang / dbang med du bcol bas 'thab par chas/ skar ma sa ga dang sa ri'i nyin 'khrug dus byas so/ /der rgyal pos/ khyi mo nyan gyi rna gsang ma bya ba'i sprul pa'i khyi zhig yod pa/ long ngam gyi rtsar nyan btang bas/ long ngam gyis de bzhin ngo shes nas gnangs nyin rgyal pos nged rang gsod du 'ong ste/ dmag gi 'khor ma khrid par/ rgyal po'i dbu la dar nag gi thod bcing / dpral bar me long btags/ phrag pa g.yas la wa ro bkal/ khyi ro g.yon la bkal/ ral gri klad la bskor/ glang dmar la thal sgro bkal byung na/ nged rang gis mi thub ces smras so/ khyi mo des rgyal po la de bzhin du zhus pas/ de ltar byed gsungs te/ gnangs nyin de ltar byas nas/ long ngam gsod du byon/ bso sgra btab pas glang dmar 'grogs te/ thal sgro ral bas thal tshub kyis mig kheng / wa ros dgra lha yal/ khyi ros pho lha yal/ ral gri klad la bskor bas rmu thag chad/ der blon po long ngam gyis rgyal po'i dpral ba'i me long la gtad nas mda' brgyab pas rgyal po bkrongs so/ /rgyal po'i sras gsum po ni/ kong po dang / nyang po/ spo bo gsum gyi yul du bros so/ /der blon po long ngam gyis rgyal srid phrogs