[A:173]rgyal srid bskyang ste/ ma brtsigs lhun gyis grub pa'i sku mkhar chen po pho brang 'um bu bla mkhar gyi rtse la bzhugs pa las/ sngon bcom ldan 'das kyis 'od ma'i tshal nas lung bstan pa bzhin/ bod du sangs rgyas kyi bstan pa dar ba'i rten 'brel la/ nam mkha' nas mdo sde za ma tog snying po yi ge drug ma/ spang skong phyag brgya pa/ gser gyi mchod rten khru gang pa/ tsindha ma n-i sAtstsha'i skol phor/ mu tra'i phyag rgya rnams nyi ma'i 'od zer la 'grogs te/ rgyal po'i pho brang gi steng du babs pa las/ khyed nas gdung rabs lnga na 'di'i don shes pa'i rgyal po zhig 'byung bar 'gyur ro zhes/
srong btsan sgam po la zer/
nam mkha' nas lung bstan/ rgyal pos kyang rten de rnams ngo mtshar che bar ni dgongs/ gang yin ni ma mkhyen te/ gnyen po gsang ba zhes mtshan gsol nas/ rin po che'i khri la bzhag nas mchod pa phul bas/ de'i yon tan gyis rgyal po slar gzhon sha can du gyur nas/ dgung lo brgya dang nyi shu thub ste/ sku lus gcig la sku tshe gnyis thub ces grags so/ /rgyal po des dam pa'i chos kyi dbu brnyes pa yin no/ /de yi bang so rang gi yul du btab/ /yul gyi ming ni phying lung dar thang zer/ /bang so de yang sa phung sbra 'dra yod/ /lha tho tho ri snyan shal gyi sras khri snyan gzugs btsan/ des kyang gnyen po gsang ba la mchod pa byas pas chab srid rgyas par byung ngo / /de yi bang so don mkhar mda' ru brtsigs/ /de yang 'phul med sa phung brdal ba 'dra/ /de'i sras 'brong snyan lde ru/ rgyal po des dwags po'i yul nas mchims bza' klu rgyal/ klu mo yin/
bya ba'i btsun mo zhig blangs pas/ sras dmus long zhig 'khrungs pas/ ming yang dmus long dkon pa bkra zhes grags