[A:174]so| |mchims bza' klu rgyal de dang po shin tu mtshar ba zhig yod pa la/ rting du sngo la rid par byung bas/ rgyal po'i zhal nas/ khyod dang po shin tu mtshar ba zhig yod pa la/ na ba ni min nam/ 'di 'dra yod pa ci yin gsungs pas/ nga rang gi yul na zas shig yod pa de/ 'di ru med pas lan pa 'dra zer bas/ rgyal po'i zhal nas/ 'o na zas de cis kyang long la zo gsungs pas/ der g.yog mo dam pa zhig zas de len btang bas/ der mos sbal pa'i ro mang po mar gyis btsos te/ khal mang po blangs byung bas/ de rnams mdzod du sbas/ mis ma mthong bar byas shing lkog tu zos pas/ sha bkrag sngar bzhin rgyas shing 'od dang ldan pa byung ba dang / rgyal po'i thugs la zas de yon tan can zhig 'dug pa la/ ngas kyang za dgos bsams te/ btsun mo med pa'i shul du/ lde chab kyi sgo phyes nas nang du byon pa dang / mdzod nang na sbal ba'i ro mang po mar gyis btsos pa'i rkyal pa mang po 'dug nas rnam rtog skyes te/ rgyal po la bsnyung du mdze byung ngo //de nas rgyal po yab yum gnyis ka gson por bang sor bzhugs nas/ sras la zhal chems bzhag pa ni/ yab mes kyi thugs dam gnyen po gsang ba la mchod pa gyis/ 'a ci'i yul nas sman pa bos la/ mig phye nas rgyal srid zungs shig gsung ngo / /'brong snyan lde ru'i bang so zhang mdar brtsigs bang so'i ming kyang gson chas zlum por grags/ /zhes so/ /de nas dmul long dkon pa bkras/ gnyen po gsang ba la mchod pa phul zhing mos gus byas pas/ sman pa bos nas mig phye bas/ skyi shod stag gi ri la gnyan 'gro ba gzigs pas na/ mtshan yang stag ri gnyan gzigs zhes grags so/ / stag ri gnyan