[A:175]gzigs bzhi bcu lon dus 'das/ /de yi bang so don mkhar mda' ru brtsigs/ /gral ni khri snyan gzung btsan g.yon na yod/ /de yang 'phul med sa phung brdal ba 'dra/ /stag ri gnyan gzigs kyi sras gnam ri srong btsan yin la| rgyal po 'di'i dus su/ rgya nag nas sman dang rtsis byung / rgya dang gru gu btul/ byang nas tsha rnyed/ sku mkhar khri brtsigs 'bum brdugs bya ba brtsigs/ chab srid lo drug cu bzung nas 'das so/ /de yi bang so don mkhar mda' ru brtsigs/ /gral ni khri snyan gzung btsan g.yas na yod/ /de yang 'phul che rtsig pa saug khar yod/ /ming kyang gangs ri sog kha lags so skad/ /ces so/ /de ltar phan bde thams cad 'byung ba'i gzhi ma/ bod rgyal po'i gdung rabs/
shes bya rab gsal nas/ sangs rgyas mya ngan las 'das nas/ lo nyis stong dus/ rje gnya' khri btsan po byon/ nyis stong lnga brgya na/ lha tho tho ri snyan shal byon gsung bar 'dug
rje gnya' khri btsan po nas/ lha tho tho ri snyan shal yan la gdung rabs nyi shu rtsa bdun la lo lnga brgya song 'dug par nges zer na'ang / chos dang 'brel pa'i rgyal por mi 'dug pas/ lo rgyus rgyas par ma bkod/ lha tho tho ri snyan shal gyi dus su/ dam pa chos kyi dbu brnyes/ lo brgya dang nyi shu thub/ de nas gdung rabs bzhi/ gnam ri srong btsan yan la/ lo brgya dang bcu gcig lon pa yin zhes ka tshigs chen mo na bshad yod do/ /'di dag ni zur tsam bsdus pa yin gyis/ rgyas par 'dod na ka tshigs chen mo dang / bka' chems ka khol ma/ rgyal rabs dpag bsam ljon shing rnams la gzigs shig bod rgyal po'i gdung rabs dang po ji ltar byon pa bstan pa'i le'u ste brgyad pa'o// //