[A:176]
dgu pa/ 'phags pa spyan ras gzigs kyi sku la 'od zer bzhi 'phros pa las/ chos rgyal 'khrungs pa'i skor/ de nas 'phags pa spyan ras gzigs kyis bod kha ba can gyi sems can rnams 'dul ba'i dus la bab par mkhyen nas/ sku la 'od zer bzhi 'phros te/ de'ang spyan g.yas pa nas 'od zer gcig 'phros de| bal po'i yul du song ba/ bal po'i yul thams cad 'od zer gyis khyab/ bal po'i rgyal po de ba lha yang 'od zer gyis khyab par byas/ grong khyer kho bom klu'i pho brang yang 'od zer gyis snang bar byas so/ /de nas 'od zer de rnams 'dus nas/ rgyal po de ba lha'i btsun mo'i lhums su zhugs so/ /der zla ba dgu ngo bcu lon pa na/ lha gcig khyad du 'phags pa zhig 'khrungs te/ lha gcig de ni 'jig rten las khyad du 'phags pa/ sku mdog dkar la dmar ba'i mdangs chags pa/ zhal nas ha ri tsandan gyi dri bro ba/ rig pa'i bstan bcos thams cad la mnga' brnyes pa zhig sku 'khrungs te/ de ni bal mo bza' khri btsun 'di yin no| |yang spyan g.yon pa nas 'od zer gcig 'phros pas rgya nag gi yul du song ste| rgya nag gi yul thams cad 'od zer gyis khyab par mdzad/ rgya rje tha'i dzung rgyal po yang 'od zer gyis khyab par mdzad/ pho brang zem shing khri sgo yang 'od zer gyis khyab par mdzad/ de nas 'od zer de rnams 'dus te/ rgya rje btsan po'i btsun mo'i lhums su zhugs so/ /der zla ba dgu ngo bcu lon pa na/ lha gcig khyad du 'phags pa gcig sku 'khrungs te/ lha gcig de ni 'jig rten las khyad par du 'phags pa/ sku mdog sngo la dmar ba'i mdangs chags pa/ zhal nas utpal sngon po'i dri bro ba/ rigs pa'i bstan bcos thams cad la mnga'