[A:178]pa'i rum du sgron me sbar ba ltar gyur te/ rin po che'i gling du gzigs so/ /sa bcu'i byang chub sems dpa' rnams kyi snang ba la/ 'phags pa spyan ras gzigs kyis/ mtha' 'khob kha ba can pa'i sems can rnams chos la bkod pa'i phyir du/ sprul pa'i rgyal por sku sprul nas/ gang la gang 'dul gyis sems can gyi don byed pa'i snang ba byung ngo / /mi nag tha mal ba rnams kyi snang ba la/ rgyal po la sras 'gran zla dang bral ba'i ngo mtshar ba zhig 'khrungs par mthong ngo | |der rgyal bu de nar lon dus/ bzo dang / rtsis dang / sgyu rtsal dang / rig pa'i gnas lnga la mkhas shing yon tan dang ldan par gyur pas/ blon po rnams na re/ 'o cag tsho'i rje 'di ni yon tan du ma dang ldan te/ thugs shin tu sgam mo zer bas/ mtshan yang srong btsan sgam po zhes grags so/ /de nas rgyal po de dgungalo bcu gsum lon dus/ yab 'das te/ rgyal sar byon pa yin no/ /de nas chos kyi rgyal po srong btsan sgam po de'i thugs kyi dgongs pa la/ bdag gis kha ba can 'dir sems can gyi don byed pa la/ sa phyogs gang du phyin la bsgom snyam pa dang / bdag gi yab mes lha tho tho ri snyan shal/ 'phags pa kun tu bzang po'i sprul pa des/ lha sa dmar po ri'i rtse la bzhugs 'dug pa/ bdag gis kyang yab mes kyi zhabs kyis bcags pa'i sa cha/ bkra shis shing nyams dga' ba'i sa gnas der phyin la/ sems can gyi don byed par dgongs te| der yar bsnon sbra stod tshal du dgongs man la/ nangs par gro bteg ste/ yar 'phrang yi ge drug pa'i drung du khal phog khal ma rnams bzan la skyel nas/ der gro btab bo/ /de nas rgyal pos chab la sku khrus gsol/ chu'i nang na 'od