[A:186]mdzad/ byang phyogs hor dang yu ge ra'i yul nas khrims dang las kyi dpe blang / mdor na phyogs bzhi la dbang bsgyur zhing longs spyod nas/ 'dzam gling phyed kyi kha lo sgyur ba'i rgyal po mdzad do/ /thon mi sambho Ta/ mgar stong btsan yul bzung /
stod lung ram pa ba/
'bri se ru gong ston/ 'bri khung ba/
nyang khri bzang / nyang ser ba|
yang ston la sogs pa blon po brgya tham pas bar gyi khod snyoms/ rgyal pos bka' stsal pa bzhin/ dge ba bcu'i khrims bca' ba ste/ bzang la bya dga' ster/ ngan pa la chad pa gcod/ mtho ba khrims kyis gnon/ dma' ba thabs kyis skyong / sku bsrung sde bzhir spyad/ phu chu rdzing du bskyil/ mda' chu yur bar drangs/ bre srang gtan la phab/ zhing la lhu ru spyad/ mi la yi ge bslabs/ rta la mdongs su bris/ legs pa'i dpe srol btsug ste/ 'thab mo byas pa la chad pa/ bsad pa la che chung gi stong byed pa/ brkus pa la brgyad 'jal ngos dang dgu/ bye byas pa'i yan lag gi phran bcad nas yul gzhan du spyugs pa/ rdzun byas pa'i lce gcod pa'o/ /gzhan yang dkon mchog gsum la skyabs su song zhing / dad pa dang mos gus bya ba/ pha ma la drin du gzo zhing bkur sti bya ba/ mi drin chen dang pha khu rgan gsum gyi yi mi gcod cing / bzang po'i lan byed pa/ mi ya rabs dang rigs btsun pa la mi rgol cing dang du len pa/ las dang spyod pa thams cad ya rabs kyi rjes su 'brang ba/ lha chos dang yi ge la blo 'jug cing don shes par bya ba/ las rgyu 'bras la yid ches shing / mi dge ba 'ba' zhig la 'dzem pa/ mdza' bshes dang khyim mtshes la phan 'dog cing gnod sems mi bya ba/ gzhi drang por bya zhing blo sems dpang du 'jog pa/ zas chang la tshod