[A:187]'dzin cing khrel yod par bya ba/ bu lon dus su 'jal zhing / bre srang la g.yo zol mi bya ba/ ma bskos shing ma bcol ba'i bya ba la rtog 'jug mi bya ba dang / gros kyi nang du bud med kyi kha la mi nyan cing rang tshugs 'dzin pa/ yin min gyis ma tshang ba byung na/ yul lha bstan srung dpang du btsugs nas mna' byed pa la sogs te/ dge ba bcu la dpe byas nas/ bod khrims nyi shu/ skyi shod/ sho ma ra ru gtan la phab ste/ rje blon kun gyi phyag rgyas btab ste/ nyi zla'i 'od lta bur khyab par mdzad do/ /de ltar mdzad pas rje btsan 'bangs rnams skyid/ /bstan pa rgyas shing rgyal srid phyogs bcur 'phel/ /chos kyi bka' khrims mdzad pas 'bangs rnams bka' la nyan/ /mi rje lha yis mdzad pas rgyal khams thams cad skyid/ /pho dpa' rta mgyogs longs spyod lha dang mnyam/ /blo gtad chos la byas pas 'di phyi gnyis kar skyid/ /'thab dang rtsod pa spangs pas thams cad pha mar shes/ /kun la yi ge bslabs pas sangs rgyas bstan pa dar/ /mi dge'i bshes gnyen med pas dge bcu'i nor bu rnyed/ /kun gyi gtsug tu khur bas skyid pa'i nyi ma shar/ /thams cad sprul pa yin pas khral dang 'u lag med/ / nam mkha'i mthong la 'khor lo rtsibs brgyad shar/ /dog mo'i sa la padma 'dab brgyad skyes/ /bar gyi ri la bkra shis rtags brgyad tshang / /ljon shing thams cad dga' ba'i tshal du 'thibs/ /bya rnams kun kyang ca co du ma sgrogs/ /sa rnams kun kyang rnam pa drug tu g.yos/ /lha rnams kun gyis me tog char pa phab/ /bkra shis nyams su dga' ba'i brag lha'i tshal/ /ljon shing star kha sdong po'i bsil grib la/ /chos rgyal chen po khri yi steng na bzhugs/ /dpa' mdzangs 'phrul ldan