[A:191]dang / dge slong 'byon du ma gnang ste/ nan gyis zhus pas/ dge slong gi zhal nas/ ngas ji ltar zer ba'i kha la nyan na khyed kyi pho brang du 'ong / mi nyan na mi 'ong gsungs pas/ rgyal pos dge slong gis ji ltar gsungs pa la nyan par mdzad nas/ rgyal po'i pho brang du byon nas mchod gnas mdzad do/ /der dge slong gi zhal nas/ khyed sngar nang pa sangs rgyas pa yin par 'dug pa la/ phyi rol pa'i chos lugs 'di bsgyur nas/ nang pa sangs rgyas pa'i lugs su gyis la| dkon mchog gsum la skyabs su song shig ces gsungs pas/ rgyal pos de bzhin du zhal gyis bzhes so/ /yang dge slong gi zhal nas/ rgyal po khyed kyis lha khang brgya rtsa brgyad bzhengs shig lha khang de rnams kyi nang du tsandan sbrul gyi snying po dang / tsandan gor shi Sha'i sku brgya rtsa brgyad bzhengs shig ces gsungs pas/ rgyal po'i zhal nas/ tsandan sbrul gyi snying po ni 'og min na yod pas nga la len pa'i mthu med/ tsandan gor shi Sha ma la ya'i byang phyogs na dug sbrul gdug pa can gyis 'khril yod pas/ ngas len mi nus/ lha khang brgya rtsa brgyad bzhengs pas chog zer ro/ /yang dge slong gi zhal nas/ tsandan sbrul gyi snying po nga la rgyus yod pas len du 'gro dgos/ khyed kyis 'khor g.yog lag cha dang bcas pa thong zhig gsungs pas/ der rgyal po yon mchod 'khor dang bcas pa singga la'i rgya mtsho'i 'gram du byon pa dang / rdo'i kharsa pa Ni rang byon de'i sku rgyab na glang po che mang po nyal 'dug go /der dge slong gi zhal nas/ glang po che 'di rnams kyi nang nas kha shar du lta ba/ sna dmar ba/ 'jing khung na gi wang gi zar bu yod pa 'di'i 'og na/ tsandan sbrul gyi snying po yod do gsungs pas/ rgyal po'i zhal nas/